CPIML Lib Kerala

 
മോദി 3.0 : ആദ്യ സൂചനകളും 2024 ജനവിധിയുടെ തെറ്റായ വ്യാഖ്യാനങ്ങളും [എഡിറ്റോറിയൽ ML അപ്‌ഡേറ്റ്, 11 ജൂൺ - 17 ജൂൺ 2024]

ബിജെപി നേതൃത്വത്തിലുള്ള എൻഡിഎ അധികാരത്തിൽ തുടരുന്നത് .രണ്ട് പ്രധാന സഖ്യകക്ഷികളായ ആന്ധ്രാപ്രദേശിൽ നിന്നുള്ള ടിഡിപിയും ബിഹാറിൽ നിന്നുള്ള ജെഡിയുവും നൽകിയ നിർണായക പിന്തുണ യുടെ ബലത്തിൽ ആണ്. തുടർച്ചയായി മൂന്നാം തവണയും നരേന്ദ്ര മോദി വീണ്ടും പ്രധാനമന്ത്രിയായി. അദ്ദേഹത്തോടൊപ്പം രണ്ടാം നമ്പർ അമിത് ഷായാണ്. മോദി 2.0 യുടെ മറ്റ് പ്രധാന അംഗങ്ങളും തിരിച്ചെത്തിയിട്ടുണ്ട്, കൂടുതലും അവരുടെ മുൻ മന്ത്രിസ്ഥാനങ്ങളുമായി. ബിഹാറിൽ, നിതീഷ് കുമാറിനെ അദ്ദേഹത്തിന്റെ പാർട്ടി 'കിംഗ് മേക്കർ' ആയി ഉയർത്തിക്കാട്ടുന്നു, എന്നാൽ വകുപ്പുകൾ നിശ്ചയിച്ചു നൽകുന്നതിൽ ജെഡിയുവിൻ്റെയോ ടിഡിപിയുടെയോ 'കിംഗ് മേക്കിംഗ്' സ്വാധീനത്തിൻ്റെ ഒരു പ്രതിഫലനവും കാണാനില്ല. പുതിയ പാർലമെൻ്റിലേക്ക് ബിജെപിയിതര സ്പീക്കറെ ഉറപ്പാക്കാൻ ടിഡിപിക്ക് കഴിയുമോയെന്നാണ് ഇനി കണ്ടറിയാനുള്ളത്

തനിക്ക് ഒരു കൂട്ടുകക്ഷി ഭരണമാണ് നടത്താനുള്ളതെന്ന് തീർച്ചയായും മോദിയ്ക്ക് അറിയാം. എൻഡിഎ നേതാവായി തിരഞ്ഞെടുക്കപ്പെട്ടതിന് ശേഷമുള്ള ആദ്യത്തെ അഭിസംബോധനയിൽ മോദികേന്ദ്രീകൃതമായ മെഗലോമാനിയയിൽ സ്വയം മുഴുകുന്ന പതിവ് ശൈലി ഒഴിവാക്കുന്നതിൽ അദ്ദേഹം ശ്രദ്ധാലുവായിരുന്നു. എന്നാൽ എൻഡിഎയെ പ്രതിനിധീകരിച്ച് പ്രത്യക്ഷത്തിൽ സംസാരിക്കുമ്പോൾ, തെരഞ്ഞെടുപ്പിലുടനീളം കോൺഗ്രസിനും ഇന്ത്യൻ സഖ്യത്തിനും എതിരായി താൻ മുൻപ് പറഞ്ഞ കാര്യങ്ങൾ തന്നെയാണ് അദ്ദേഹം ആവർത്തിച്ചത്. ,400-കടക്കുമെന്ന തൻ്റെ ജുംല ആവർത്തിക്കാൻ അദ്ദേഹത്തിന് തീർച്ചയായും കഴിയുമായിരുന്നില്ല. രാഹുൽ ഗാന്ധിയുടെ പ്രായത്തേക്കാൾ കുറഞ്ഞ സീറ്റുകളാണ് ഇത്തവണ കോൺഗ്രസ് നേടാൻ പോകുന്നതെന്ന ധിക്കാരപരമായ പ്രവചനം യാഥാർത്ഥ്യമായില്ലെങ്കിലും, 2014 മുതൽ കോൺഗ്രസ് നേടിയ എല്ലാ സീറ്റുകളേക്കാളും കൂടുതൽ സീറ്റുകൾ ബി.ജെ.പിക്ക് ഇപ്പോഴും ലഭിച്ചിട്ടുണ്ടെന്ന് പറഞ്ഞുകൊണ്ട്, തൻ്റെ ധാർഷ്ട്യം പ്രകടിപ്പിക്കാൻ മോദി ഒരു പുതിയ വഴി കണ്ടെത്തി.ആദ്യം അൽപ്പം മന്ദഗതിയിലാണെങ്കിലും.എൻഡിഎ സഖ്യകക്ഷികളെ ഉൾക്കൊള്ളാൻ നാമമാത്രമായ ക്രമീകരണങ്ങൾ വരുത്തിയ ബി ജെ പി അവരുടെ ആക്രമണാത്മക ഫാസിസ്റ്റ് അജണ്ടയുടെ പാതയിൽ തുടരാൻ തന്നെയാണ് ഭാവം.

'കോൺഗ്രസ്-മുക്ത് ഭാരത്' എന്ന മോദിയുടെ ആക്രമണാത്മക മുദ്രാവാക്യവും 'പ്രതിപക്ഷമില്ലാത്ത ജനാധിപത്യം' എന്ന ഹീന പദ്ധതിയും വ്യക്തമായും തകർന്നിരിക്കുന്നു. കോൺഗ്രസ്സിനു സീറ്റുകൾ ഇരട്ടിയോളം വർദ്ധിക്കുകയും ലോക്‌സഭയിൽ 40 ശതമാനത്തിലധികം സീറ്റുകൾ നേടി ശക്തമായ പ്രതിപക്ഷമായി ഇന്ത്യാ സഖ്യം മാറുകയും ചെയ്തു. ബി.ജെ.പിയുടെയും എൻ.ഡി.എയുടെയും 'ന്യൂനപക്ഷ മുക്ത്' പ്രൊഫൈലാണ് ഇപ്പോൾ വേറിട്ടുനിൽക്കുന്നത്. ബി.ജെ.പിക്ക് മാത്രമല്ല, മുഴുവൻ എൻ.ഡി.എക്കും ഒരു മുസ്ലീം, ക്രിസ്ത്യൻ, സിഖ് എം.പി പോലും ഇല്ല. ഒരു മുസ്ലീം സ്ഥാനാർത്ഥിയെപ്പോലും ബിജെപി നിർത്തിയിരുന്നുമില്ല . തൽഫലമായി ,മോദി 3.0 മന്ത്രിസഭയിൽ ഒരു മുസ്ലീം മുഖം പോലും ഇല്ലാത്ത അവസ്ഥയാണ്. ജനസംഖ്യയുടെ 14 ശതമാനത്തിലധികം മുസ്ലീങ്ങളായ ഇന്ത്യയിലെ ഏറ്റവും വലിയ ന്യൂനപക്ഷ സമുദായത്തിൻ്റെ പ്രാതിനിധ്യം ഇപ്പോൾ 5 ശതമാനത്തിൽ താഴെയാണ്, 543 അംഗ സഭയിൽ മുസ്ലീം എംപിമാരുടെ എണ്ണം വെറും 24 എംപിമാർ എന്ന എക്കാലത്തെയും താഴ്ന്ന നിലയിലെത്തി. ഇന്ത്യയുടെ പാർലമെൻ്ററി ജനാധിപത്യത്തിൽ മുസ്‌ലിംകളുടെ ഈ കുറഞ്ഞ പ്രാതിനിധ്യം , മോദിയുഗത്തിൽ ഇന്ത്യൻ മുസ്‌ലിംകളെ ആഴമേറിയതും വ്യവസ്ഥാപിതവുമായ പാർശ്വവൽക്കരണത്തിൽ എത്തിച്ചതിന്റെ തിരഞ്ഞെടുപ്പിലെ പ്രതിഫലനം മാത്രമാണ്.

2024ലെ ലോക്‌സഭാ തിരഞ്ഞെടുപ്പ് ഫലത്തിൻ്റെ സുപ്രധാനവും സംശയമില്ലാത്തതുമായ ഒരു വശമാണ് മുസ്ലീം വിരുദ്ധ ധ്രുവീകരണത്തെ ജനങ്ങൾ നിരാകരിച്ചത്. പ്രത്യേകിച്ച് ഉത്തർപ്രദേശിലെ അയോധ്യയ്ക്ക് ചുറ്റുമുള്ള പ്രദേശത്ത് അത് വളരെ പ്രകടമായിരുന്നു. എന്നിട്ടും ജനവിധിയെ തെറ്റായി വ്യാഖ്യാനിക്കാനും മുസ്ലീങ്ങൾക്കെതിരായ വിദ്വേഷ പ്രചാരണത്തിന് ആക്കം കൂട്ടാനുമുള്ള സംഘടിത ശ്രമം നടക്കുന്നു. 2019-നെ അപേക്ഷിച്ച് വലിയ സംഖ്യകളോടെ ബിജെപി അധികാരത്തിൽ തിരിച്ചെത്തുമെന്ന ഉറച്ച പ്രവചനത്തിന്റെ പേരിൽ പിന്നീട് ഖേദപ്രകടനം നടത്തിയ തിരഞ്ഞെടുപ്പ് തന്ത്രജ്ഞനായ പ്രശാന്ത് കിഷോർ, പ്രതിപക്ഷത്തെ, പ്രത്യേകിച്ച് കോൺഗ്രസിൻ്റെ വോട്ട് വിഹിതം 'ന്യൂനപക്ഷ വോട്ട് ബാങ്കിൻ്റെ' അടിസ്ഥാനത്തിൽ വിശദീകരിക്കാൻ ശ്രമിക്കുകയാണ്. ബിബിസി ഇന്ത്യയുമായുള്ള ഒരു അഭിമുഖത്തിൽ , മുസ്ലീം ജനസംഖ്യാ വിഹിതം 18% എന്ന് ആവർത്തിച്ച് പറയുന്നത് കേൾക്കാമായിരുന്നു. ( ഇപ്പോഴത്തെ ജനസംഖ്യാ പ്രവണതകൾ കണക്കാക്കുന്നവരുടെ അഭിപ്രായത്തിൽ ഇത് 14% മാത്രമാണ് ) . കൂടാതെ , 20% 'സ്വതന്ത്ര ന്യൂനപക്ഷ വോട്ട് ബാങ്കിൽ' നിന്ന് കോൺഗ്രസ്സും ഇന്ത്യാ മുന്നണിയും നേട്ടമുണ്ടാക്കുന്നതായി പ്രശാന്ത് കിഷോർ വിശദീക രിച്ചു. കൂടുതൽ ഹിന്ദു ഏകീകരണത്തിനായി വാദിക്കാൻ ഈ അസത്യപ്രസ്താവത്തെ ബി.ജെ.പി മുതലെടുക്കാൻ ശ്രമിക്കുന്നതിന്റെ ഭാഗമായി , മുസ്‌ലിംകൾ ബി.ജെ.പിക്കെതിരെ ഒറ്റക്കെട്ടായി വോട്ട് ചെയ്തതുപോലെ, ഹിന്ദുക്കളും ബി.ജെ.പിക്ക് അനുകൂലമായി വോട്ട് ചെയ്യണമെന്ന് അവർ വാദിക്കുന്നു!

2024-ലെ ഫലത്തെ തെറ്റായി വ്യാഖ്യാനിക്കാൻ വേണ്ടി നടത്തുന്ന ( ബി ജെ പി യ്ക്കെതിരായ വോട്ട് വർഗീയ വോട്ടാണെന്ന) ഈ അവകാശവാദത്തേക്കാൾ മോശമായ മറ്റൊന്നില്ല. കർഷകപ്രസ്ഥാനം, ഭരണഘടനാ സംരക്ഷണത്തിനായുള്ള ദളിത്-ആദിവാസി-ബഹുജൻ കാമ്പയിൻ, സുരക്ഷിത തൊഴിലിനായുള്ള യുവജനപ്രസ്ഥാനം, പഴയ പെൻഷൻ പദ്ധതി പുനഃസ്ഥാപിക്കുന്നതിനുള്ള ജീവനക്കാരുടെ പ്രസ്ഥാനം, വൈവിദ്ധ്യത്തിനും ഫെഡറലിസത്തിനും വേണ്ടിയുള്ള പ്രചാരണം, സ്വാതന്ത്ര്യത്തിനായുള്ള പൗരസമൂഹ സംരംഭങ്ങൾ. ജനാധിപത്യവും - നിലവിലെ തിരഞ്ഞെടുപ്പ് ഫലത്തിന് സംഭാവന നൽകുന്ന എല്ലാ പ്രധാന ഘടകങ്ങളും ഇന്ത്യൻ ജനതയുടെ ഐക്യത്തിലാണ് വേരൂന്നിയിരിക്കുന്നത്, ഏതെങ്കിലും തരത്തിലോ അളവിലോ ഉള്ള ഹിന്ദു-മുസ്ലിം വിഭജനത്തിലല്ല. ജനവിധിസംബന്ധമായി മേല്സൂചിപ്പിച്ചവിധമുള്ള ദുർവ്യാഖ്യാനത്തിലൂടെ , മുസ്ലീം പ്രാതിനിധ്യത്തിലെ കുറവിന്റെ ഉത്തരവാദിത്തം ഇന്ത്യൻ മുസ്ലീങ്ങളുടെ രാഷ്ട്രീയ തിരഞ്ഞെടുപ്പിൽ ചാർത്താൻ ആണ് ബി ജെ പി ശ്രമിക്കുന്നത് .

ഇന്ത്യൻ മുസ്ലീങ്ങളെ അകറ്റാനുള്ള ആസൂത്രിതവും പ്രഖ്യാപിതവുമായ ശ്രമത്തിന് ജനവിധിയുടെ രൂപത്തിൽ ശിക്ഷ ലഭിക്കേണ്ടത് രാഷ്ട്രീയ വർണവിവേചനത്തിൻ്റെ ഇന്ത്യൻ പതിപ്പായ ബിജെപിയ്ക്കാണ്. ബി.ജെ.പി പ്രതിനിധാനം ചെയ്യുന്നത് കടുത്ത ഇസ്‌ലാമോഫോബിയയുടെ രാഷ്ട്രീയത്തെയാണ് , അല്ലാതെ മതപരമായ പരിഗണനയെയല്ല. വ്യവസ്ഥാപിത പീഡനങ്ങൾക്കും അടിച്ചമർത്തലുകൾക്കും സ്ഥിരമായി കീഴടങ്ങാൻ മുസ്ലീങ്ങളോട് ആവശ്യപ്പെടുകയാണ്.ബി.ജെ.പിക്ക് വോട്ട് ചെയ്യാൻ ആവശ്യപ്പെടുന്നതിലൂടെ അവർ ചെയ്യുന്ന ത്. മുസ്ലീം അവകാശങ്ങളും പ്രാതിനിധ്യവും നിഷേധിക്കുക എന്നത് ഇന്ത്യൻ ഫാസിസത്തിൻ്റെ ഒരു പ്രധാന സവിശേഷതയാണ്, അതിനെ പരാജയപ്പെടുത്താൻ ഫാസിസ്റ്റ് വിരുദ്ധ ശക്തികളുടെ മുഴുവൻ ശ്രേണികളുമായും കൈകോർക്കുന്നതിൽ മുസ്ലീം വോട്ടർമാർ തികച്ചും ശരിയാണ്.

കൂടുതൽ ഐക്യദാർഢ്യം കെട്ടിപ്പടുക്കുകയും കൂടുതൽ ദൃഢനിശ്ചയവും ഐക്യത്തോടെയുള്ള പോരാട്ടവും നടത്തുകയും ചെയ്യുന്നതിലൂടെ മാത്രമേ പാർശ്വവൽക്കരിക്കപ്പെട്ട സമൂഹങ്ങൾക്ക് ചെറുത്തുനിൽക്കാൻ കഴിയൂ. ഇന്ത്യൻ സമൂഹത്തിലെ എല്ലാ പോരാട്ട വിഭാഗങ്ങളെയും പ്രതിനിധീകരിക്കുന്ന ഒരു രാഷ്ട്രീയ ശക്തി കെട്ടിപ്പടുക്കുക എന്ന പദ്ധതിയുടെ ഭാഗമായി, ഈ വിഭാഗങ്ങൾക്കെല്ലാം അർഹമായ ഇടവും അംഗീകാരവും നൽകേണ്ടത് തീർച്ചയായും ബിജെപി വിരുദ്ധ പാർട്ടികളുടെ ചുമതലയാണ് . രാഷ്ട്രീയത്തിന്റെ മണ്ഡലത്തിൽ മുസ്ലീങ്ങളെ പാർശ്വവൽക്കരിക്കുന്നതിനെ നേരിട്ടും ബോധപൂർവ്വവും എതിർക്കാനുള്ള ബാദ്ധ്യതയും അതിൽ ഉൾപ്പെടുന്നു. ശക്തമായ ജനകീയ പ്രസ്ഥാനങ്ങൾ പ്രതിപക്ഷത്തിൻ്റെ പ്രോത്സാഹജനകമായ നേട്ടങ്ങൾ സാധ്യമാക്കിയതുപോലെ, പ്രതിപക്ഷപാർട്ടികൾക്ക് ജനങ്ങളോടുള്ള ഉത്തരവാദിത്തത്തെ നിലനിർത്തുന്നത്തിനുവേണ്ടിയും തുടർന്നും നിലകൊള്ളണം. ഫാസിസ്റ്റ് ശക്തികളുടെ പുതിയ ആക്രമണത്തിനെതിരെ ജാഗ്രത പാലിക്കുമ്പോൾ , വരും മാസങ്ങളിൽ അത് വെളിപ്പെടുമെന്ന കാര്യത്തിൽ നമുക്ക് സംശയമില്ല.