ഝാർഖണ്ഡ് തലസ്ഥാനമായ ചരിത്ര പ്രസിദ്ധമായ റാഞ്ചിയിൽ 2013 ഏപ്രിൽ 2 മുതൽ 6 വരെ നടന്ന സി പി ഐ (എം ൽ ) ഒൻപതാം പാർട്ടി കോണ്ഗ്രസ്
ജനങ്ങളുടെ വിഭവങ്ങളും ജനാധിപത്യ അവകാശങ്ങളും കോർപ്പറേറ്റ് കൾക്ക് കൊള്ളയടിക്കാൻ വിട്ടുകൊടുക്കുന്ന ബിസിനസ്- രാഷ്ട്രീയ കൂട്ടു കെട്ടിനെതിരെ രാജ്യത്തെ വിപ്ലവ ശക്തികൾ നല്കുന്ന ഒരു താക്കീത് ആണ് റാഞ്ചി കോണ്‍ഗ്രസ്സ് . വൻകിട കോർപ്പറേറ്റ് സ്ഥാപനങ്ങളും വിവിധ രാഷ്ട്രീയപ്പാർട്ടികളിൽ നിന്നുള്ള നേതാക്കളും ഉൾപ്പെട്ട സാമ്പത്തിക അഴിമതികളുടെ വിവരങ്ങൾ ഓരോ ദിവസവുമെന്നോണം ഒരു വശത്ത് പുറത്ത് വന്നുകൊണ്ടിരിക്കുമ്പോൾ മറുവശത്ത് അവകാശങ്ങൾ ക്ക് വേണ്ടിയുള്ള ജനകീയപ്പോരാട്ടങ്ങൾ നിർണ്ണായകമായ വിധത്തിൽ കരുത്താർജ്ജിച്ചു വരികയാണ് . പുതിയ സംസ്ഥാന രൂപീകരണം നടന്നു പത്തു വർഷങ്ങൾ പിന്നിട്ടപ്പോൾ രാഷ്ട്രീയ കൂട്ടു കെട്ടുകൾ മാറി മാറി ഭരണത്തിൽ ഇരുന്നു കോർപ്പറേറ്റ് കൊള്ളയെ സഹായിക്കുന്ന കാഴ്ചയാണ് ഉദാഹരണത്തിന് ഇന്ന് ഝാർഖ ണ്ഡ് ഇൽ നാം കാണുന്നത് . ഭൂമി അപഹരണത്തെ ചെറുക്കുന്ന ആദിവാസി ജന വിഭാഗങ്ങൾക്കെതിരെ അതി കഠിനമായ മർദ്ദന വാഴ്ച നടത്തുന്ന ഒരു ഭരണകൂടത്തെയാണ് ഝാർഖണ്ഡ് ജനതയ്ക്ക് അഭിമുഖീകരിക്കേണ്ടി വരുന്നത് . ഇത്തരം ഒരു പരിതസ്ഥിതിയിൽ ഇടതു പക്ഷത്തിന്റെ മുന്നിൽ ഉള്ള പ്രാഥമിക കടമ പൊരുതുന്ന ജനവിഭാഗങ്ങളോട് ഐക്യപ്പെടുകയും , ജനകീയ പ്രതിരോധങ്ങളിൽ വേരൂന്നിയ യഥാർഥ രാഷ്ട്രീയ ബദലിനു വേണ്ടി പരിശ്രമിക്കുകയും ആണ് എന്ന് ഒന്പതാം കോണ്ഗ്രസ് വിലയിരുത്തുന്നു .
ഭഗത് സിംഗിനു മുൻപേ സാമ്രാജ്യത്വ വിരുദ്ധ പോരാട്ടത്തിൽ രക്തസാക്ഷിയായ ബിർസാ മുണ്ടയുടെ അനശ്വരമായ ഓർമ്മ കോർപ്പറേറ്റ് ഭൂമികയ്യേറ്റ ങ്ങൾക്കും വിഭവക്
അപ് ഡേറ്റ് ചെയ്ത പാർട്ടി പ്രോഗ്രാം മുതൽ ആനുകാലിക ദേശീയ- അന്താരാഷ്ട്ര സാഹചര്യങ്ങളും സ്ത്രീ -യുവജന -വിദ്യാർഥി വിഭാഗങ്ങളുടെയും തൊഴിലാളി- കര്ഷക-ബഹുജന മുന്നണി കളിലെയും ഗ്രാമീണ അസംഘടിത മേഖലകളിലെയും പരിസ്ഥിതി രംഗത്തെയും സാംസ്കാരിക രംഗത്തെയും സമരങ്ങളും സമീപനങ്ങളും വരെ വിശകലനം ചെയ്യുന്ന പത്തു രേഖകൾ സവിസ്തരം ആയ ചർച്ചകൾക്കു ശേഷം കോണ്ഗ്രസ് അംഗീകരിച്ചു .
ഏപ്രിൽ 2നു ആരംഭിച്ച് 6 നു രാത്രി ഏറെ വൈകി സമാപിച്ച കോണ്ഗ്രസ് ഏഴംഗ കണ്ട്രോൾ കമ്മീഷനെയും 61 അംഗങ്ങൾ ഉള്ള പുതിയ കേന്ദ്ര കമ്മിറ്റിയെയും തെരഞ്ഞെടുത്തു. പതിനേഴ്‌ അംഗങ്ങൾ ഉള്ള പുതിയ പോളിറ്റ് ബ്യൂറോ നിലവിൽ വരികയും സ:ദിപങ്കർ ഭട്ടാചാര്യ പാർട്ടി ജനറൽ സെക്രട്ടറി ആയി വീണ്ടും തെരഞ്ഞെടുക്കപ്പെടുകയും ചെയ്തു.
ഇന്ത്യൻ സ്വാതന്ത്ര്യ സമര ചരിത്രത്തിൽ വിപ്ലവകരമായ ഒരു അദ്ധ്യായം കുറിച്ച 1913 -1 4 ലെ ഗദർ പ്രസ്ഥാനം അതിന്റെ അതുല്യമായ സമരോല്സുകതകൊണ്ടും ഉദാത്തമായ മതേതര - ജനാധിപത്യ ഭാവനകൾ കൊണ്ടും ഇന്ത്യൻ ഇടതു പക്ഷത്തിനു എന്നെന്നും പ്രചോദനത്തിന്റെ ഉറവിടം ആകേണ്ടാതാണെന്നു വിലയിരുത്തിയ ഒൻ പതാം കോണ്ഗ്രസ് 2013- 2014 ഗദർ ശതാബ്ദി വർഷമായി ആചരിക്കാൻ ആഹ്വാനം ചെയ്തു.
ഏപ്രിൽ 7 നു റാഞ്ചി നിയമസഭാ മന്ദിരത്തിനു അടുത്തുള്ള വിശാലമായ മൈതാനത്ത് സംഘടിപ്പിക്കപ്പെട്ട 'ജൻ വികൽപ്' ( Peoples Alternative ) റാലിയെ അഭിസംബോധന ചെയ്ത നേതാക്കളിൽ സ :ദിപന്കർ ഭട്ടാചാര്യ [CPI (ML )ജനറൽ സെക്രട്ടറി],സഖാക്കൾ വിനോദ് സിംഗ് [ഝാർഖണ്ഡ് നിയമസഭാ അംഗം , കേന്ദ്ര കമ്മിറ്റി അംഗം CPI (ML) ], കവിതാ കൃഷ്ണൻ (പോളിറ്റ് ബ്യൂറോ അംഗം CPI (ML)], രാജാ രാം സിംഗ് [ജനറൽ സെക്രട്ടറി ,ആൾ ഇന്ത്യാ കിസാൻ മഹാ സഭ ], എന്നിവർക്ക് പുറമേ സഖാക്കൾ സൈഫുൽ ഹഖ്‌ [സെക്രട്ടറി ,RWP ,ബംഗ്ലാ ദേശ് ], സൂ ബോൾടോണ്‍ [സോഷ്യലിസ്റ്റ് അല്ലയൻസ് ,ഓസ്ട്രെല്യ ], മംഗത് റാം പാസ്‌ ല [സെക്രട്ടറി ,CPM പഞ്ചാബ് ],ആർ ബി റായ് [പ്രസിഡണ്ട്‌ ,CPRM ], വിജയ്‌ കുൽക്കർണി [സെൻട്രൽ കമ്മിറ്റി മെമ്പർ , ലാൽ നിശാൻ പാർട്ടി (ലെനിനിസ്റ്റ് )] എന്നിവരും ഉണ്ടായിരുന്നു.
No comments:
Post a Comment