2023 സെപ്റ്റംബറിലെ സിഗ്നലുകൾ ഡീകോഡ് ചെയ്യുമ്പോൾ

[ ML അപ്ഡേറ്റ് വാല്യം. 26 , നമ്പർ 40 (26 സെപ്റ്റംബർ - 2 ഒക്‌ടോബർ 2023) ]

എഡിറ്റോറിയൽ

സെപ്റ്റംബറിൽ ഇന്ത്യയിൽ ശ്രദ്ധേയമായ രണ്ട് വലിയ സംഭവങ്ങൾ നടന്നു - ജി 20 ഉച്ചകോടിയും, അതിനു ശേഷം പാർലമെന്റിന്റെ പ്രത്യേക സമ്മേളനവും. ഈ രണ്ട് സംഭവങ്ങളെ ചുറ്റിപ്പറ്റി മാദ്ധ്യമ ഹൈപ്പുകൾ ധാരാളം സൃഷ്ടിക്കപ്പെട്ടു. മോദിയുടെ പ്രചാരണ യന്ത്രം ഭരണത്തിന്റെ രണ്ട് മികച്ച നേട്ടങ്ങളായി അവയെ അവതരിപ്പിക്കുന്ന തിരക്കിലാണ് . എന്നാൽ, ഈ സംഭവങ്ങളും അവയുടെ യാഥാർത്ഥ്യങ്ങളും മേൽപ്പറഞ്ഞ ഹൈപ്പുകൾക്കുപരിയായി കാണാനുള്ള ഒരു റിയാലിറ്റി പരിശോധന നടത്തേണ്ട സന്ദർഭം ആണ് നമ്മുടെ മുന്നിൽ വന്നിരിക്കുന്നത്.

പ്രതിശീർഷ വരുമാനത്തിന്റെ അടിസ്ഥാനത്തിൽ നോക്കിയാൽ , ജി 20 യുടെ ബാനറിൽ കീഴിൽ അണിനിരന്ന രാജ്യങ്ങളുടെ ഗ്രൂപ്പിലെ ഏറ്റവും ദരിദ്രമായ അംഗമാണ് ഇന്ത്യ. G20 യിൽ ദക്ഷിണാർദ്ധ ഗോളത്തിലെ ഒരു പ്രമുഖ ശബ്ദമായി സ്വയം നിലയുറപ്പിക്കാൻ ഇന്ത്യയും ആഗ്രഹിക്കുന്നു. എന്നിട്ടും മോദി ഭരണം ഡെൽഹിയിലെ ദരിദ്രർക്കെതിരെ ഒരു യഥാർത്ഥ യുദ്ധം തന്നെ അഴിച്ചുവിട്ടു. ജി 20 അതിഥികൾക്ക് അവരെ പൂർണ്ണമായും അദൃശ്യരാക്കി. ചേരികൾ തകർത്തു, വഴിയോരക്കച്ചവടക്കാരെ നീക്കം ചെയ്തു, ഡെൽഹിയിലെ അധ്വാനിക്കുന്ന ജനങ്ങളുടെ മുഴുവൻ വാസസ്ഥലങ്ങളും മതിലുകൾക്കുള്ളിലാക്കി. ആഡംബരപൂർണ്ണമായ വെള്ളി പാത്രങ്ങളും സ്വർണ്ണം പൂശിയ മറ്റ് തീന്മേശ ഉപകരണങ്ങളും ടേബിൾവെയറുകളും പരിപാടിക്കായി പ്രത്യേകം രൂപകൽപ്പന ചെയ്‌തിരുന്നു, പക്ഷേ , മഴ ഒന്ന് കനത്തിൽ പെയ്തപ്പോൾ വേദി വെള്ളത്തിലായി, ഇന്ത്യയുടെ മറ്റ് പല നഗര ഭാഗങ്ങളിലും ഉള്ള അവസ്ഥ അവിടെയും ആവർത്തിച്ചു.

എല്ലാ G20 ഉച്ചകോടിയും ഒരു സംയുക്ത പ്രസ്താവന പുറപ്പെടുവിക്കുന്ന കീഴ് വഴക്കം ഉണ്ട്. G20 ഗ്രൂപ്പ് എല്ലായ്പ്പോഴും സാമ്പത്തിക വിഷയങ്ങളിൽ ശ്രദ്ധ കേന്ദ്രീകരിക്കുകയും വിവാദപരമായ രാഷ്ട്രീയ സംഭവവികാസങ്ങൾ നേരിട്ട് ഏറ്റെടുക്കുന്നതിൽ നിന്ന് വിട്ടുനിൽക്കുകയും ചെയ്യുന്നതിനാൽ, ഒരു സംയുക്ത പ്രസ്താവനയിറക്കൽ സാധാരണയായി ബുദ്ധിമുട്ടുള്ള കാര്യമല്ല. എന്നിരുന്നാലും, യുക്രെയ്ൻ യുദ്ധം ഇക്കുറി അവഗണിക്കാനാവാത്ത ഒരു യാഥാർത്ഥ്യമാണ്. യുക്രെയ്നിലെ റഷ്യൻ അധിനിവേശത്തിന്റെ പശ്ചാത്തലത്തിൽ നടന്ന കഴിഞ്ഞ വർഷത്തെ G20 ഉച്ചകോടി റഷ്യക്കെതിരെ ശക്തമായ വിമർശനമാണ് ബാലിയിലെ പ്രസ്താവനയിലൂടെ നടത്തിയത്. റഷ്യയേയും ചൈനയേയും അലോസരപ്പെടുത്താതിരിക്കാനുള്ള ശ്രമത്തിൽ ന്യൂ ഡെൽഹി ഉച്ചകോടിയിലെ സംയുക്ത പ്രഖ്യാപനം ബാലിയിലേതിനേക്കാൾ നേർപ്പിച്ച ഒന്നായിരുന്നു. ഒപ്പിട്ടവരാരും നിലപാട് മാറ്റേണ്ടി വന്നിട്ടില്ലാത്ത, മുഖം രക്ഷിക്കാനുള്ള ഒരു നിഷ്‌കളങ്കമായ പ്രസ്താവനയാണിത്, അതിനാൽ അതിനെ മോദിയുടെ 'ആഗോള നേതൃത്വത്തിന്റെ' മേന്മ എന്ന് വിളിക്കുന്നത് മഹത്വം ഊതിപ്പെരുപ്പിക്കാനുള്ള വ്യാമോഹമല്ലാതെ മറ്റൊന്നുമല്ല.

ജി 20 ഉച്ചകോടിയെ ഏതെങ്കിലും തരത്തിലുള്ള നിർണായക മാധ്യമ ഇടപെടലിൽ നിന്ന് മോദി സർക്കാർ ഒറ്റപ്പെടുത്തിയെങ്കിലും , യാഥാർത്ഥ്യത്തെ അധികകാലം അടിച്ചമർത്താൻ കഴിയില്ല. ഡെൽഹിയിൽ മാധ്യമങ്ങളോട് സംസാരിക്കാൻ അമേരിക്കൻ പ്രസിഡന്റ് ബൈഡനെ അനുവദിച്ചില്ല, എന്നാൽ വിയറ്റ്നാമിൽ അദ്ദേഹം അവസരം കണ്ടെത്തുകയും, അവിടെ മോദി ഭരണത്തിൽ ഇന്ത്യയിലെ മനുഷ്യാവകാശ സാഹചര്യം മോശമായിക്കൊണ്ടിരിക്കുന്ന വിഷയം പരാമർശിക്കുകയും ചെയ്തു. ഇന്ത്യയോടുള്ള പാശ്ചാത്യ ശക്തികളുടെ താൽപ്പര്യം അതിന്റെ വൻതോതിലുള്ള ആഭ്യന്തര വിപണികളിലും ചൈനയ്‌ക്കെതിരായ ഒരു കൂട്ടാളി എന്ന നിലയിലും പരിമിതപ്പെടുത്തിയിരിക്കുന്നു. അതുകൊണ്ട് മാത്രം മോദി ഭരണത്തിന് കീഴിലുള്ള മനുഷ്യാവകാശ ലംഘനങ്ങൾ ആഗോള തലത്തിൽ അവഗണിക്കാനാവില്ലെന്ന് ബൈഡന്റെ വിമർശനാത്മക അഭിപ്രായങ്ങൾ സൂചന നൽകുന്നു. ഇന്ത്യൻ സർക്കാർ ഖാലിസ്ഥാൻ തീവ്രവാദിയായി പട്ടികപ്പെടുത്തിയ ഒരു കനേഡിയൻ പൗരന്റെ കൊലപാതകത്തിൽ ഇന്ത്യൻ ഭരണകൂടത്തിന് പങ്കാളിത്തമുണ്ടെന്ന് കാനഡ ഉന്നയിക്കുന്ന ആരോപണമാണ് ഇന്ത്യയെ കൂടുതൽ ദോഷകരമായി ബാധിക്കുന്നത് . അഞ്ച് കണ്ണുകൾ എന്ന് വിളിക്കപ്പെടുന്ന കാനഡ ഉൾപ്പെട്ട സഖ്യം - ഓസ്‌ട്രേലിയ, ന്യൂസിലാൻഡ്, യുണൈറ്റഡ് കിംഗ്ഡവും അമേരിക്കയും - കൊലപാതകം അന്വേഷിക്കാൻ കാനഡയുമായി സഹകരിക്കാൻ ഇന്ത്യയോട് ആവശ്യപ്പെട്ടിട്ടുണ്ട്. എന്നാൽ, കാനഡയെ തീവ്രവാദികളുടെ താവളമായി ചിത്രീകരിക്കുകയും കനേഡിയൻ അപേക്ഷകർക്ക് വിസ സസ്പെൻഡ് ചെയ്യുകയും ചെയ്തുകൊണ്ടാണ് ഇന്ത്യ അതിനോട് പ്രതികരിച്ചത്. ഇത് തീർച്ചയായും സംഘർഷം വർധിപ്പിച്ചു. അതിനിടെ, പ്രവാസ സമൂഹങ്ങളിൽ ഭിന്നതയുണ്ടാക്കാൻ ഇപ്പോൾ കാനഡയിൽ ഹിന്ദുക്കൾക്ക് സുരക്ഷിതത്വമില്ലെന്ന അടിസ്ഥാനരഹിതമായ അവകാശവാദങ്ങൾ പ്രചരിപ്പിക്കാൻ ബിജെപിയുടെ ഐടി സെൽ സോഷ്യൽ മീഡിയയിൽ പ്രചാരണം തുടങ്ങി!

പ്രവാസികളിൽ ഇപ്പോഴും ചില ഖാലിസ്ഥാൻ അനുകൂല വിഭാഗങ്ങളുണ്ടെങ്കിലും ഇന്ത്യയിൽ ഖാലിസ്ഥാൻ പ്രസ്ഥാനത്തിന്റെ സ്വാധീനം കുറവാണ്. എന്നാൽ ഖാലിസ്ഥാനെ വലിയ ഭീഷണിയായി അവതരിപ്പിക്കാനാണ് മോദി സർക്കാരിന് താൽപര്യം. കർഷക പ്രസ്ഥാനത്തെ ഖാലിസ്ഥാനി ഗൂഢാലോചനയായും ഡൽഹി അതിർത്തികൾ കൈവശപ്പെടുത്തിയ കർഷകരെ ഖലിസ്ഥാനികളായും ചിത്രീകരിക്കാൻ ഗോദി മീഡിയ പരമാവധി ശ്രമിച്ചു. സത്യത്തിൽ കർഷക പ്രസ്ഥാനം ഗോദി മീഡിയയെ ബഹിഷ്‌കരിച്ചതിന്റെ പ്രധാന കാരണം ഇതാണ്. സിഖ് സമുദായത്തിന്റെ സാന്നിദ്ധ്യം കണക്കിലെടുത്ത് ട്രൂഡോയ്ക്ക് സ്വന്തമായ ആഭ്യന്തര രാഷ്ട്രീയ പരിഗണനകൾ ഉണ്ടാകാമെങ്കിലും, പ്രതിസന്ധി വർദ്ധിപ്പിക്കുകയും ഇന്ത്യൻ പ്രവാസികളുടെ ഏഴാമത്തെ വലിയ സംഘത്തെ സ്വീകരിച്ച പാശ്ചാത്യ ശക്തിയുമായുള്ള ഇന്ത്യയുടെ ബന്ധം അപകടത്തിലാക്കുകയും ചെയ്യുന്നത് ഇന്ത്യയുടെ താൽപ്പര്യമാണോ? അതും ആ രാജ്യം ഇന്ത്യയിലെ വിദ്യാർത്ഥികളുടെ പ്രധാനപ്പെട്ട ഉപരിപഠന ലക്ഷ്യസ്ഥാനങ്ങളിൽ ഒന്നാവുമ്പോൾ?

ഒരു അജണ്ടയുമില്ലാതെ പെട്ടെന്നുള്ള പ്രത്യേക പാർലമെന്റ് സമ്മേളന പ്രഖ്യാപനം അനേകം ഊഹാപോഹങ്ങൾക്കിടയാക്കി. സാധാരണ ചോദ്യോത്തര സമയമോ സീറോ അവറോ ഇല്ലാത്ത അഞ്ച് ദിവസത്തെ സമ്മേളനം പാർലമെന്റിന്റെ പതിവ് സമ്മേളനങ്ങളിൽപ്പോലും ഇന്ത്യ ഈ സമയത്ത് പ്രതീക്ഷിക്കാത്ത ചില നിയമനിർമ്മാണ ആഘാതങ്ങൾക്കായി സജ്ജമായി. നനഞ്ഞ ഏറുപടക്കം പോലെ അവ കലാശിച്ചത് ആരേയും അമ്പരപ്പിക്കുന്ന വിധമായിരുന്നു.

അഞ്ച് ദിവസത്തെ സമ്മേളനത്തിൽ ഭരണകക്ഷി എട്ട് ബില്ലുകൾ ഔദ്യോഗികമായി പട്ടികപ്പെടുത്തിയിരുന്നു, എന്നാൽ പാസാക്കാൻ എടുത്തതാകട്ടെ അനുബന്ധ ഇനമായിരുന്നു - ലോക്‌സഭയിലും സംസ്ഥാന അസംബ്ലികളിലും സ്ത്രീകൾക്ക് 33% സംവരണം - ഒരിക്കൽ ബിൽ പാർലമെന്റിന്റെ ഇരുസഭകളിലും പാസായി. നാല് ദിവസത്തിന് ശേഷം സെഷൻ പിരിഞ്ഞു. നാല് പതിറ്റാണ്ടിന്റെ നിയമനിർമ്മാണ ചരിത്രമുള്ള, യഥാർത്ഥത്തിൽ ഈ കാലഘട്ടത്തിലുടനീളം സ്ത്രീ പ്രസ്ഥാനങ്ങളുടെയും എല്ലാ പുരോഗമന ശക്തികളുടെയും പ്രധാന ആവശ്യമായിരുന്ന ഒരു ആശയം നടപ്പിലാക്കാൻ ശ്രമിക്കുന്ന ബില്ലിലെ വ്യവസ്ഥകളിൽ നിന്നാണ് ഇവിടെ ഞെട്ടൽ ഉണ്ടായത്. അടുത്ത സെൻസസും ലോക് സഭാ മണ്ഡലങ്ങളുടെ അതിർത്തിപുനർനിർണ്ണയവും എണ്ണം കൂട്ടലും (ഡീലിമിറ്റേഷൻ) പൂർത്തിയാക്കിയ ശേഷം എൻക്യാഷ് ചെയ്യാവുന്ന പോസ്റ്റ്-ഡേറ്റഡ് ചെക്ക് എന്ന നിലയിൽ മാത്രമേ വനിതാ സംവരണം ബിൽ എന്തെങ്കിലും വാഗ്ദാനം ചെയ്യുന്നുള്ളൂ.

എന്നിട്ടും ബിൽ നടപ്പാക്കുന്നത് അനിശ്ചിതകാലത്തേക്ക് മാറ്റിവച്ചിട്ടും, കുറഞ്ഞത് ഒരു ദശാബ്ദമെങ്കിലും എടുക്കുമെന്ന് നിരീക്ഷകർ അഭിപ്രായപ്പെട്ടതോടെ, മോദി സർക്കാർ സ്വയം അഭിനന്ദന പ്രചാരണം ആരംഭിച്ചു. എല്ലാ വിഭാഗം സ്ത്രീകൾക്കും, പ്രത്യേകിച്ച് ഒബിസി, ന്യൂനപക്ഷ സമുദായങ്ങളിലെ സ്ത്രീകൾക്ക് പ്രാതിനിധ്യം ഉറപ്പാക്കാൻ സർക്കാർ വിസമ്മതിച്ചതാണ് ബില്ലിലെ മറ്റൊരു പ്രധാന പ്രശ്നം. ബില്ലിന്റെ പശ്ചാത്തലത്തിൽ സംസാരിക്കുന്ന എസ്‌സി/എസ്‌ടി സംവരണം യഥാർത്ഥത്തിൽ ഒരു തെറ്റിദ്ധാരണയാണ്, കാരണം എസ്‌സി / എസ്‌ടി സ്ത്രീകൾക്ക് പ്രത്യേക സംവരണത്തിന് പ്രത്യേക വ്യവസ്ഥകളൊന്നുമില്ല, എസ്‌സി / എസ്‌ടി വിഭാഗങ്ങൾക്കായി ഇതിനകം സംവരണം ചെയ്തിട്ടുള്ള സീറ്റുകളുടെ മൂന്നിലൊന്ന് അവർക്ക് ലഭിക്കും. അതേസമയം ഒബിസി, ന്യൂനപക്ഷ സമുദായങ്ങളിൽ നിന്നുള്ള സ്ത്രീകൾക്ക് ഒരു വ്യവസ്ഥയും ഉണ്ടായിരിക്കില്ല. രാജ്യസഭയിലേക്കും ലെജിസ്ലേറ്റീവ് കൗൺസിലുകളിലേക്കും സംവരണം വ്യാപിപ്പിക്കാത്തതും ബില്ലിൽ പിഴവായി നിലനിൽക്കുന്നു.

ബിഎസ്പി എംപി ഡാനിഷ് അലിയ്‌ക്കെതിരെ വിദ്വേഷം നിറഞ്ഞ ഇസ്‌ലാമോഫോബിക് അധിക്ഷേപം നടത്തിയപ്പോൾ സൗത്ത് ഡൽഹിയിലെ ബിജെപി എംപി രമേഷ് ബിധുരിയാണ് പ്രത്യേക സമ്മേളനത്തിലെ യഥാർത്ഥ നീക്കത്തിന്റെ പ്രതിനിധാനമായത്. ബിധുരി മുസ്ലീം വിരുദ്ധ കുപ്രചരണങ്ങൾ നടത്തുമ്പോൾ അദ്ദേഹത്തെ തടയാൻ മുതിർന്ന ബിജെപി നേതാക്കളാരും ശ്രമിച്ചില്ല, അദ്ദേഹത്തിന്റെ തൊട്ടുപിന്നിൽ രണ്ട് മുതിർന്ന ബിജെപി നേതാക്കളും ഇരുന്നു, മുൻ ശാസ്ത്ര സാങ്കേതിക മന്ത്രി ഡോ. ഹർഷവർദ്ധൻ, മുൻ നിയമമന്ത്രിയും പ്രശസ്ത ബി.ജെ.പി. അഭിഭാഷകൻ രവിശങ്കർ പ്രസാദ്, ചിരിച്ചുകൊണ്ട് സമ്മതം മൂളി.

സൂചന വളരെ വ്യക്തമാണ്. തെക്കൻ ഡെൽഹി എംപി ആ അധിക്ഷേപങ്ങൾ പാർട്ടി നേതൃത്വത്തിൽ നിന്ന് വളരെ കുറച്ച് അസ്വാസ്ഥ്യങ്ങൾ പോലും അഭിമുഖീകരിക്കാതെ , തനിക്ക് കഴിയുന്നത്രയും ഉച്ചത്തിൽ പറഞ്ഞപ്പോൾ, ബിജെപി ഇനി തെരുവും സഭയും തമ്മിൽ ഒരു വേർതിരിവും കാണിക്കുന്നില്ലെന്ന് വ്യക്തമായി പറയുന്നു. പാർലമെന്റ്, പാർലമെന്ററി സമ്പ്രദായത്തെക്കുറിച്ച് ഇനി വിഷമിക്കേണ്ടതില്ലെന്ന് അത് വിശ്വസിക്കുന്നു. ഡാനിഷ് അലി ചൂണ്ടിക്കാണിച്ചതുപോലെ, പാർലമെന്റിനുള്ളിൽ തന്നെ ഒരു മുസ്ലീം എംപിയെ ക്യാമറയിൽ ഈ രീതിയിൽ കൈകാര്യം ചെയ്യാൻ കഴിയുമെങ്കിൽ, മോദിയുടെ ഇന്ത്യയിൽ സാധാരണ മുസ്ലീങ്ങൾക്ക് അനുദിനം അനുഭവിക്കേണ്ടിവരുന്നതെന്താണെന്ന് ഊഹിക്കാവുന്നതേയുള്ളൂ.

ഇന്ത്യയുടെ സാഹചര്യം അന്താരാഷ്ട്ര സമൂഹത്തിൽ ഉച്ചത്തിലുള്ള അപായ സൂചന മുഴക്കിയതിൽ അതിശയിക്കാനില്ല. ന്യൂനപക്ഷ പ്രശ്‌നങ്ങളെക്കുറിച്ചുള്ള യുഎൻ പ്രത്യേക റിപ്പോർട്ടറുടെ വാക്കുകളിൽ, “പ്രധാനമായും മുസ്‌ലിംകളെപ്പോലുള്ള മറ്റ് ന്യൂനപക്ഷങ്ങളെ ലക്ഷ്യമിട്ടുള്ള ആക്രമണങ്ങളുടെയും ദുരുപയോഗങ്ങളുടെയും വൻതോതിലുള്ള ഗുരുത്വാകർഷണം കാരണം അസ്ഥിരത, അതിക്രമങ്ങൾ, അക്രമങ്ങൾ എന്നിവയുടെ ലോകത്തിലെ പ്രധാന ഉത്പാദകരിൽ ഒന്നായി ഇന്ത്യ മാറാൻ സാധ്യതയുണ്ട്. ക്രിസ്ത്യാനികളും സിഖുകാരും മറ്റുള്ളവരും ഇതിന് ഒരുപോലെ വിധേയരാവുന്നു. ഇത് കേവലം വ്യക്തിപരമോ പ്രാദേശികമോ അല്ല, വ്യവസ്ഥാപിതവും മത ദേശീയതയുടെ പ്രതിഫലനവുമാണ്. ജനാധിപത്യം ഇന്ത്യയുടെ ഡിഎൻഎയിൽ ഉണ്ടെന്ന് എത്ര വീമ്പിളക്കിയാലും ഇന്ത്യക്കെതിരെ ഉയരുന്ന കുറ്റാരോപണത്തിന് അത് ഉത്തരം ആകാൻ പോകുന്നില്ല. നാശത്തിലേക്കുള്ള ഈ പാതയിൽ നിന്ന് ഇന്ത്യയെ രക്ഷിക്കാൻ ശക്തമായ ഒരു ജനകീയ മുന്നേറ്റം കെട്ടിപ്പടുക്കാനുള്ള ദൃഢനിശ്ചയം ഓരോ ദിവസം കഴിയുന്തോറും ശക്തമാകണം

 [ സി പിഐ (എം എൽ) ജനറൽ സെക്രട്ടറി സ: ദീപങ്കർ ഭട്ടാചാര്യ യുടെ 21-09-2023 ന്റെ എഫ് ബി സ്റ്റാറ്റസ് അപ്ഡേറ്റ് ] 

ദീർഘകാലത്തെ കാത്തിരിപ്പിന് ശേഷം,  വനിതാ സംവരണം നടപ്പാക്കാൻ  പ്രധാനമന്ത്രി മോദിതന്നെ   വേണ്ടിവന്നുവെന്ന് ബിജെപി പ്രചാരണ യന്ത്രം പറയുന്നു.  പ്രചാരകർ നിങ്ങളോട് പറയാത്തത്, 2010-ൽ ഇത് രാജ്യസഭയിൽ പാസ്സാക്കുന്നത് മുതൽ  ഇന്നലെ ലോക്‌സഭയിൽ പാസ്സാക്കുന്നത് വരെയുള്ള ദീർഘകാലത്തെ ഇടവേളയുടെ ഏറിയ കാലവും ,അതായത്,    2014 മുതൽ ഒമ്പത് വർഷത്തിലേറെയായി അധികാരത്തിലിരുന്നത് നരേന്ദ്രമോദിയാണ് എന്ന സംഗതിയാണ്.  പ്രസ്തുത വിഷയത്തോടുള്ള ദീർഘകാലമായ അവഗണനയുടെ കുറ്റംആരുടേതാണെന്ന് അന്വേഷിക്കുന്നവരെ എത്തിക്കുന്നത്   മോദി സർക്കാരിന്റെ പടിവാതിൽക്കൽത്തന്നെയാണ് എന്നതാണ് ഇത് കാട്ടിത്തരുന്നത്.  

ബില്ല് പാസായതിനു ശേഷവും അത് നടപ്പാക്കുന്നത് അനന്തമായി വൈകും വിധമാണ് ഇതിന്റെ ഘടനയെന്ന് അവർ നിങ്ങളോട് പറയില്ല. 

1980 കളുടെ തുടക്കത്തിൽ പ്രമീള ദണ്ഡവാതെ ഒരു സ്വകാര്യ ബില്ലായി ആദ്യം അവതരിപ്പിച്ച  വനിതാ സംവരണ ബില്ലിന് നാല് പതിറ്റാണ്ടിന്റെ നിയമനിർമ്മാണ ചരിത്രമുണ്ട്.  ഇത്രയധികം ചർച്ചകളുടെയും സംവാദങ്ങളുടെയും പിൻബലത്തോടെ നമുക്ക് ലഭിക്കുന്ന ഏറ്റവും പുതിയ ബിൽ  ഏറ്റവും പൂർണ്ണവും മെച്ചപ്പെട്ടതുമായ പതിപ്പ് ആവണമായിരുന്നു. എന്നിട്ടും അത്  തിടുക്കത്തിൽ തയ്യാറാക്കിയതും, എന്നു  നടപ്പിലാക്കുമെന്നതിനെ കുറിച്ച് ഒരു  സൂചനയും ലഭ്യമല്ലാത്തതും ആയിട്ടാണ്  അനുഭവപ്പെടുന്നത് . 

ലോക്‌സഭയിൽ ഇന്നലെ പാസ്സാക്കിയ ബില്ലിന് താഴെപ്പറയുന്ന വിധം  ഏറ്റവും പ്രകടമായ മൂന്ന് വിടവുകളും വൈരുദ്ധ്യങ്ങളും ഉണ്ട്:

(i) ബൃഹത്തായതും, ഏറെ സമയമെടുക്കുന്നതുമായ രണ്ട്  പ്രക്രിയകൾ  -  അതായത് സെൻസസ്സും ഡീലിമിറ്റേഷനും ( ലോക് സഭാ മണ്ഡലങ്ങളുടെ നിലവിലുള്ള മൊത്തം എണ്ണം കൂട്ടുന്നവിധത്തിൽ മണ്ഡലങ്ങൾ പുനർനിർണ്ണയിക്കൽ )   - യാതൊരു  കാരണമോ  പരസ്‌പര പൊരുത്തമോ  ഇല്ലാതെ, നടപ്പാക്കലും,   അതിലൂടെ വനിതാ സംവരണം  അനാവശ്യമായി അനിശ്ചിതകാല നീട്ടിവെക്കലും.

(ii) എല്ലാ വിഭാഗം സ്ത്രീകൾക്കും, പ്രത്യേകിച്ച് പ്രാതിനിധ്യം കുറഞ്ഞ ഓ ബി സി സമൂഹത്തിനും മറ്റ് അവശ വിഭാഗങ്ങൾക്കും മതിയായ പ്രാതിനിധ്യ മില്ലായ്മ  

(iii)  രാജ്യസഭയേയും ,  ദ്വിമണ്ഡല  നിയമസഭകളുള്ള സംസ്ഥാനങ്ങളിലെ ലെജിസ്ലേറ്റീവ് കൗൺസിലുകളേയും   വനിതാ സംവരണ ബില്ലിന്റെ പരിധിക്ക് പുറത്തുനിർത്തൽ. 

  ഇന്ത്യയുടെ നിയമനിർമ്മാണം  ഇത്രയും അവ്യക്തമായ ഒരു ഭാഷയിൽ ഇപ്പോൾ അവതരിപ്പിക്കുന്നത്  എന്തിനാണ് ?  എന്തുകൊണ്ടാണ് സ്ത്രീ സംവരണത്തെ നാരീശക്തി വന്ദനം എന്ന് വിളിക്കുന്നത്?  പ്രത്യേകിച്ചും നിങ്ങൾ ചെയ്യുന്നത് നാരീശക്തി വഞ്ചന മാത്രമായിരിക്കുമ്പോൾ?   മന്ത്രി നിർമ്മലാ സീതാരാമൻ സ്ത്രീ ശാക്തീകരണ സർട്ടിഫിക്കറ്റുകൾ വിതരണം ചെയ്യവേ, ബിജെപി വനിതാ എംപിമാരെ പ്രധാനമന്ത്രി ശാക്തീകരിച്ചവരെന്ന് വിളിക്കുന്നതും പ്രസിഡന്റ് ദ്രൗപതി മുർമുവിനെ ശാക്തീകരിക്കപ്പെട്ട ആദിവാസി സ്ത്രീയായി വിശേഷിപ്പിക്കുന്നതും, പ്രസിഡന്റ് മുർമുവിനെ  സ്ത്രീ ശാക്തീകരണത്തിന്റെ നിമിഷത്തെ കുറിക്കുന്ന ചരിത്രമുഹൂർത്തത്തിൽ നിന്ന് പ്രകടമായും അകറ്റിനിർത്തിയതും സംബന്ധിച്ച റിപ്പോർട്ടുകൾ  ഒരേസമയത്ത്  കേൾക്കേണ്ടിവരുന്നത് വലിയ തമാശയാണ്.  

Implement Women's Reservation with immediate effect. The #Women #Movement has been struggling for decades for women reservation bill that has been supported by broader scope of progressive political forces, will not be allowed to fall into another electoral debris. : Meena Tiwari, Polit Bureau Member, BJP (Male) | General Secretary, All India Progressive Women Association (AIPWA)

#महिलाआरक्षण #womensrights #india #indiaalliance #reservation #feminism #feminist #WomenReservationBill

 സംവാദങ്ങളെ വഴിതെറ്റിക്കാനും ജനങ്ങളെ ഭിന്നിപ്പിക്കാനുമുള്ള സംഘ് ബ്രിഗേഡിന്റെ തീവ്രശ്രമങ്ങൾ പരാജയപ്പെടുത്തുക [ സി പി ഐ (എം എൽ) ജനറൽ സെക്രട്ടറി സ: ദീപങ്കർ ഭട്ടാചര്യയുടെ ഫേസ് ബുക് കുറിപ്പ്, 19-09-2023 ]

വിശാലാടിസ്ഥാനത്തിലുള്ള ഒരു സംയുക്ത പ്രതിപക്ഷത്തിന്റെ

ആവിർഭാവം മുതൽ, മോദി സർക്കാരും മുഴുവൻ സംഘ്-ബിജെപി ബ്രിഗേഡും പ്രകടമായ രീതിയിൽ അതിനെ ഉലയ്ക്കാൻ ശ്രമിച്ചു കൊണ്ടിരിക്കുകയാണ്. പുൽവാമ കൂട്ടക്കൊല സൃഷ്ടിച്ച അതിദേശീയതയുടെ തരംഗത്തിന്റെ പശ്ചാത്തലത്തിൽ, 2019 ൽ പ്പോലും, എൻഡിഎയുടെ മൊത്തം വോട്ട് വിഹിതം 45% കവിഞ്ഞില്ല, ബിജെപിയുടെ സ്വന്തം വോട്ട് വിഹിതം 40% ൽ താഴെ മാത്രമായിരുന്നുവെന്ന് സർക്കാരിന് പൂർണ്ണമായി അറിയാം. . അതിനുശേഷം , എൻഡിഎ സഖ്യത്തിലെ പ്രധാനപ്പെട്ട മൂന്ന് കക്ഷികളായ പഞ്ചാബിലെ അകാലിദൾ, മഹാരാഷ്ട്രയിലെ ശിവസേന, ബിഹാറിലെ ജെഡിയു എന്നിവ ബിജെപിയുമായി വേർപിരിഞ്ഞു, അതേസമയം ബിജെപിയുടെ സ്വന്തം തിരഞ്ഞെടുപ്പ് ശക്തി ക്ഷയിച്ചുകൊണ്ടിരിക്കുകയാണെന്ന് കർണാടക നിയമസഭാ തെരഞ്ഞെടുപ്പിൽ വ്യക്തമായി. ഇന്ത്യയിലെ ബിജെപിയിതര പാർട്ടികളുടെ വിശാലമായ രാഷ്ട്രീയ വർണ്ണരാജി ഫലപ്രദമായി ഒത്തുചേരുന്നത് ബിജെപിയെ ആശങ്കപ്പെടുത്തുന്ന ഒന്നാണ്.

തിരഞ്ഞെടുപ്പ് കണക്കുകൾക്കപ്പുറം, ബിജെപിയെ ആഞ്ഞടിച്ചത്, നിഷ്‌ക്രിയമായ മോദി സർക്കാരിന്റെ വിനാശകരമായ ഭരണത്തിനെതിരെ വർദ്ധിച്ചുവരുന്ന ജനരോഷവും പ്രതിപക്ഷ ഐക്യത്തിന്റെ വികസ്വരമായ ചട്ടക്കൂടിന്റെ വർദ്ധിച്ചുവരുന്ന ചലനാത്മകതയും ശക്തമായിക്കൊണ്ടിരിക്കുന്ന കൂട്ടുകെട്ടുമാണ്. ഇന്ത്യ എന്ന ചുരുക്കപ്പേരിൽ ഐക്യ പ്രക്രിയയ്ക്ക് നവോന്മേഷദായകമായ ഒരു കൂട്ടായ സ്വത്വവും വൈരുദ്ധ്യാത്മക വിവരണവും നൽകിയതിലൂടെ, പ്രക്ഷീണമായ മോദി ഭരണത്തിന് വരാനിരിക്കുന്ന തെരഞ്ഞെടുപ്പിൽ ഒരു യഥാർത്ഥ പോരാട്ടം നേരിടേണ്ടിവരുമെന്ന് വ്യക്തമാകുന്നു. അന്നുമുതൽ, സംയുക്ത പ്രതിപക്ഷത്തെ ലക്ഷ്യം വയ്ക്കാനുള്ള ഹതാശമായ ശ്രമങ്ങളിൽ ബിജെപി മുഴുകി. "ഇന്ത്യ"യെ ഈസ്റ്റ് ഇന്ത്യാ കമ്പനിയുമായും ഇന്ത്യൻ മുജാഹിദ്ദീനുമായും ബന്ധിപ്പിക്കുന്നത് മുതൽ, "ഭാരത"ത്തിനെതിരെ മത്സരിപ്പിക്കുന്നതുവരെ, സാധ്യമായ എല്ലാ അടവുകളും അത് പരീക്ഷിച്ചുകൊണ്ടിരിക്കുകയാണ്. പെട്ടെന്ന് പ്രഖ്യാപിച്ച പ്രത്യേക പാർലമെന്റ് സമ്മേളനത്തിന്റെ യഥാർത്ഥ നടപടികളും ഫലവും രാജ്യം കാത്തിരിക്കുമ്പോൾ, "ഇന്ത്യ" സഖ്യത്തിനെതിരെ ദുരുദ്ദേശ്യപരമായ പ്രചാരണം നടത്താൻ സംഘ്-ബിജെപി ക്യാമ്പ് സമീപകാല രണ്ട് സംഭവവികാസങ്ങളിൽ കയറിപ്പിടിച്ചതായിക്കാണുന്നു. കർണാടകയിലെ നിരാശാജനകമായ 'ജയ് ബജ്‌റംഗ്ബലി' തിരഞ്ഞെടുപ്പ് പ്രചാരണത്തിന്റെ അതേ വീര്യത്തോടെയാണ് നരേന്ദ്ര മോദിയുടെ ആദ്യ പ്രചാരണം മുന്നിൽ നിന്ന് നയിക്കുന്നത്. ജാതി അടിച്ചമർത്തലിൽ നിന്നും വിവിധ തരത്തിലുള്ള സാമൂഹിക വിവേചനങ്ങളിൽ നിന്നും ജനങ്ങളെ മോചിപ്പിക്കാൻ സനാതനത്തെ ഉന്മൂലനം ചെയ്യണമെന്ന് തമിഴ്‌നാട്ടിൽ നടന്ന ഒരു സമ്മേളനത്തിൽ തമിഴ്‌നാട്ടിലെ യുവജനക്ഷേമ മന്ത്രി ഉദയനിധി സ്റ്റാലിൻ നടത്തിയ പ്രസ്താവനയ്‌ക്കെതിരെയാണ് ഇത്തവണ സംഘ് ബ്രിഗേഡ് ആഞ്ഞടിക്കാൻ നോക്കിയത്.

സനാതനം എന്ന വാക്ക് ഹിന്ദുമതത്തിന് തുല്യമായി ഉപയോഗിക്കുകയും, സന്ദർഭത്തിൽ നിന്ന് അടർത്തിമറ്റുകയും ചെയ്യുന്ന ബിജെപി , അതിനെ ഹിന്ദുക്കൾക്കെതിരായ വംശഹത്യ ആഹ്വാനമായും ഇന്ത്യൻ സംസ്കാരത്തിന് നേരെയുള്ള ആക്രമണമായും അവതരിപ്പിക്കുന്നു. ചില ടിവി ചാനലുകളുടെ തിരഞ്ഞെടുത്ത ഒരു കൂട്ടം അവതാരകർ നടത്തുന്ന വിദ്വേഷം പരത്തുന്ന വർഗീയ ധ്രുവീകരണ ചർച്ചകളിൽ പങ്കെടുക്കേണ്ടതില്ലെന്ന ഇന്ത്യൻ സഖ്യത്തിന്റെ തീരുമാനത്തെ സംബന്ധിച്ചുള്ളതാണ് രണ്ടാമത്തെ വിഷയം. അവതാരകരേക്കാൾ കൂടുതൽ, ബി ജെ പി യാണ് ഈ വിഷയത്തെ ആവിഷ്‌കാരസ്വാതന്ത്ര്യത്തിനും മാധ്യമ സ്വാതന്ത്ര്യത്തിനുമെതിരായ കടന്നാക്രമണം എന്ന് വിളിച്ച് ഇതിനെ അടിയന്തര പ്രാധാന്യമുള്ള ഒരു തർക്കമാക്കുന്നത്. INDIA സഖ്യത്തെ ഹിന്ദു വിരുദ്ധവും മാദ്ധ്യമസ്വാതന്ത്ര്യത്തിന് വിരുദ്ധവുമാണെന്ന് ചിത്രീകരിക്കാൻ മുഴുവൻ സംഘ്-ബിജെപി സ്ഥാപനങ്ങളുടെയും ഗോദി മീഡിയ യുടെയും ആസൂത്രിത പ്രചാരണമാണ് ഇപ്പോൾ നടക്കുന്നത്.

INDIA സഖ്യത്തിന്റെ നേതാക്കളും വക്താക്കളും പങ്കെടുക്കേണ്ടതില്ലെന്നു തീരുമാനിച്ച പരിപാടികളുടെ അവതാരകരുടെ പേര് പ്രസിദ്ധപ്പെടുത്തിയ കാര്യം നമുക്ക് നോക്കാം. അവരുടെ സ്വാതന്ത്ര്യം ഒരു തരത്തിലും തടയപ്പെടുന്നില്ല. അവരുടെ ഷോകളിൽ പങ്കെടുക്കേണ്ടതില്ലെന്നത് "ഇന്ത്യ"യുടെ തീരുമാനമാണ്. നിരന്തരം വിദ്വേഷം പ്രചരിപ്പിക്കുകയും കള്ളങ്ങൾ മൊത്ത വ്യാപരാടിസ്ഥാനത്തിൽ വിതരണം ചെയ്യുകയും ചെയ്തുകൊണ്ട് സൗഹാർദ്ദാന്തരീക്ഷം അനുദിനം നശിപ്പിക്കുന്ന ഒരു കൂട്ടം ആങ്കർമാരുടെ പ്രവൃത്തി വിശ്വസ്തമായ പ്രചാരണ യന്ത്രമായി സർക്കാരിനെ സേവിക്കുന്നതിന് തുല്യമാണ്. ഡൽഹി അതിർത്തിയിൽ പോരാടുന്ന കർഷകരെ ഖാലിസ്ഥാനി ഭീകരരായി ചിത്രീകരിക്കുന്ന ദൗത്യം ഗോദി മാധ്യമങ്ങൾ സ്വയം ഏറ്റെടുത്തപ്പോൾ, കർഷക പ്രസ്ഥാനം ഉജ്ജ്വലമായി പോരാടി, ഗോദി മാധ്യമങ്ങളെ മോദി ഭരണത്തിനും അദാനിക്കും ഒപ്പം വ്യക്തമായ ആക്രമണലക്ഷ്യങ്ങളിലൊന്നാക്കി മാറ്റി. -അംബാനി കോർപ്പറേറ്റ് ശക്തിയുടെ വിഷലിപ്തമായ പ്രചാരണങ്ങളെ പത്രപ്രവർത്തനമായി പരിഗണിക്കാൻ വിസമ്മതിച്ചുകൊണ്ട് "ഇന്ത്യാ" സഖ്യം അതിനെ ഒരു പടികൂടി മുന്നോട്ട് കൊണ്ടുപോയി. സനാതന വിവാദത്തെ സംബന്ധിച്ചിടത്തോളം, ഇന്ത്യയിൽ ജാതി വ്യവസ്ഥ ഇത്രയധികം ദൃഢമായി സ്ഥാപനവൽക്കരിക്കപ്പെട്ടിട്ടുണ്ടെങ്കിൽ, അതിനെ മഹത്വവൽക്കരിക്കുന്നതിലും സാധൂകരണം നൽകുന്നതിലും മതത്തിന് വലിയ പങ്കുണ്ട് എന്നത് രഹസ്യമല്ല. അനീതിയുടെയും അസമത്വത്തിന്റെയും ഈ വ്യവസ്ഥാപിത ഘടനയ്‌ക്കെതിരെ ജാതിവിരുദ്ധ പ്രസ്ഥാനത്തിന് ശക്തമായി പോരാടേണ്ടി വന്നിട്ടുണ്ട്. ബാബാസാഹേബ് അംബേദ്കർ സ്വാതന്ത്ര്യത്തിനും സമത്വത്തിനും സാഹോദര്യത്തിനും വേണ്ടിയുള്ള തന്റെ ആജീവനാന്ത കുരിശുയുദ്ധം ആരംഭിച്ചത് പരസ്യമായി മനുസ്മൃതി കത്തിച്ചുകൊണ്ടായിരുന്നു. തന്റെ അവസാനത്തെ പ്രധാന പ്രതിഷേധ പ്രകടനത്തിൽ, തന്റെ മരണത്തിന് രണ്ട് മാസം മുമ്പ്, അദ്ദേഹം ഹിന്ദുമതം ഉപേക്ഷിച്ച് ബുദ്ധമതം സ്വീകരിച്ചു. ജാതിയുടെ ഈ കാതലായ പ്രശ്‌നത്തെ അഭിസംബോധന ചെയ്യുന്നതിനുപകരം, 'ഹിന്ദുക്കൾ അപകടത്തിൽ' എന്ന കാർഡ് കളിച്ച് അതിനെ അടിച്ചമർത്താനാണ് മോദി സർക്കാർ ശ്രമിക്കുന്നത്.

സനാതനത്തിന്റെ വാക്കാലുള്ള അർത്ഥം കാലാതീതമോ ശാശ്വതമോ എന്നാണ് . നമ്മുടെ സമീപകാല ചരിത്രത്തിൽ മതപരവും സാമൂഹികവുമായ നവീകരണത്തിനുള്ള ശ്രമങ്ങളെ തടയാൻ ഈ പദം പലപ്പോഴും ഉപയോഗിച്ചിട്ടുണ്ട്. സാന്ദർഭികമായി മറ്റൊന്നുകൂടി പറയട്ടെ. മോദി ഭരണകൂടം സനാതന അലാറം ബട്ടൺ അമർത്തുമ്പോഴും , മോഹൻ ഭാഗവത് പറയുന്നത് രണ്ടായിരം വർഷമായി ബഹുജൻ സമാജിനോട് കാണിക്കുന്ന അനീതിക്ക് പരിഹാരമായി അടുത്ത ഇരുനൂറ് വർഷത്തേക്ക് സംവരണം സ്വീകരിക്കാൻ ആർഎസ്എസ് ക്യാമ്പ് തയ്യാറാണ് എന്നാണ്. സംഘ് ബ്രിഗേഡ് സൈദ്ധാന്തികർ പലപ്പോഴും ജാതിയെ അവതരിപ്പിക്കുന്നത് മുഗൾ കാലഘട്ടത്തിൽ കുത്തിവച്ചതും ബ്രിട്ടീഷ് കൊളോണിയലിസ്റ്റുകൾ ശക്തിപ്പെടുത്തിയതുമായ ഒരു 'വൈകൃത'മായാണ്, എന്നാൽ തീർച്ചയായും രണ്ടായിരം വർഷത്തെ ജാതി അടിച്ചമർത്തലിനെക്കുറിച്ച് ഭഗവത് പറയുമ്പോൾ, ഹിന്ദുമതവും ജാതിയും തമ്മിലുള്ള ജൈവബന്ധത്തെ നിഷേധിക്കാനാവില്ല.

ഒന്നിലധികം നാവുകൊണ്ട് ഒരേസമയം സംസാരിച്ച ചരിത്രമാണ് സംഘപരിവാറിനുള്ളത്. രണ്ടായിരം വർഷത്തെ സാമൂഹിക അനീതിയെക്കുറിച്ച് ഭഗവത് പറയുമ്പോൾ, സംഘ് ബ്രിഗേഡ് യഥാർത്ഥത്തിൽ ശൗര്യജാഗരൺ യാത്രകൾ നടത്തി പതിനായിരക്കണക്കിന് ധർമ്മയോദ്ധാക്കളെയോ മത യോദ്ധാക്കളെയോ റിക്രൂട്ട് ചെയ്തുകൊണ്ട് രാജ്യവ്യാപകമായി ഉന്മാദമുണ്ടാക്കുന്ന തിരക്കിലാണ്. ഉദയനിധി സ്റ്റാലിനെതിരെ വധഭീഷണി ഉയരുന്നുണ്ട്. വിലകൾ, ജോലികൾ, ഉപജീവനമാർഗം, വിദ്യാഭ്യാസം, ആരോഗ്യപരിപാലനം തുടങ്ങിയ നിത്യജീവിതത്തിലെ ഞെരുക്കമുള്ള പ്രശ്‌നങ്ങൾ ഉയർത്തിക്കാട്ടാനും ഇന്ത്യയുടെ ഭരണഘടനാ അടിത്തറയും ബഹുസ്വരതയുടെ സംസ്‌കാരവും സംരക്ഷിക്കാനും ഇന്ത്യൻ ജനത ദൃഢനിശ്ചയം ചെയ്യുന്പോൾ, ഇന്ത്യയെ വീണ്ടും വഴിതെറ്റിക്കാനും വംശഹത്യയും ആക്രമണങ്ങളും അഴിച്ചുവിടാനും സംഘ് ബ്രിഗേഡ് തീവ്രശ്രമത്തിലാണ്. ഈ ഗൂഢപദ്ധതിയെ പരാജയപ്പെടുത്തേണ്ടത് അതിനാൽ അനിവാര്യമാണ്.

 എം എൽ അപ്ഡേറ്റ് 
No.38 Vol.26, 12-18 സെപ്റ്റംബർ 20213

G20 ന്യൂ ഡെൽഹി ഉച്ചകോടി:  തെറ്റായ മുൻഗണനാക്രമങ്ങളും വസ്തുതകളും 

(എഡിറ്റോറിയൽ )

ന്യൂ ഡെൽഹിയിൽ സെപ്റ്റംബർ 8 മുതൽ 10 വരെ നടന്ന ജി 20 രാജ്യങ്ങളുടെ

18 -) മത് ഉച്ചകോടി സമാപിച്ചത് സമ്മേളനത്തിന് മുൻപ് ഒരു വര്ഷം നീണ്ടുനിന്ന ദേശവ്യാപകമായ വിപുലമായ പരിപാടികൾക്ക് ശേഷമായിരുന്നു. 1983 ൽ ചേരിചേരാ രാജ്യങ്ങളുടെ ഉച്ചകോടി യോഗത്തിനും, 2010 ൽ കോമൺ വെൽത് ഗെയിംസിനും ആതിഥേയത്വം വഹിച്ചതിന് ശേഷം ഇന്ത്യയിൽ വെച്ചുനടക്കുന്ന ബൃഹത്തായ മറ്റൊരു അന്താരാഷ്ട്ര പരിപാടി എന്ന നിലയിൽ 2023 ജി 20 സമ്മേളനം ഇന്ത്യയിൽ മാത്രമല്ലാ ലോകത്താകമാനവും സ്വാഭാവികമായും ജനശ്രദ്ധ ആകർഷിച്ചു.

ജി 7 പോലെ ലോകത്തിലെ ഏറ്റവും സമ്പന്നരാജ്യങ്ങളുടെ ഒരു ക്ളബ്ബ് അല്ല ജി 20 . അതിൽ ഗ്ലോബൽ സൗത്ത് എന്നറിയപ്പെടുന്ന ഭൂവിഭാഗത്തിലെ നിരവധി വികസ്വര രാജ്യങ്ങളും ദരിദ്രരാജ്യങ്ങളും അംഗങ്ങൾ ആയുണ്ട്. 55 ആഫ്രിക്കൻ രാജ്യങ്ങളുടെ കൂട്ടായ്മയെ പ്രതിനിധീകരിക്കുന്ന ആഫ്രിക്കൻ യൂണിയൻ കൂടി അംഗത്വം നേടിയതോടെ ജി 20 സമീപകാലത്ത് ജി 21 ആയി വികസിച്ചിട്ടുണ്ട് . ഡെൽഹി ഉച്ചകോടിയോടെ ഈ ഭൂഖണ്ഡാന്തര ആഗോള വേദിയിൽ ദക്ഷിണാർദ്ധ ഗോളത്തിന്റെ പ്രാതിനിധ്യം വിപുലീകൃതമായിട്ടുണ്ട് എന്നർത്ഥം. ഗ്ലോബൽ സൗത്തിന്റെ നേതൃപദവിയിലുള്ള ഒരു രാജ്യം എന്ന് തോന്നിപ്പിക്കുന്ന നിലപാടു കൾ പലപ്പോഴും സ്വീകരിക്കുന്ന പതിവ് ഇന്ത്യയ്ക്ക് ഉള്ള സ്ഥിതിക്ക് ഡെൽഹി ഉച്ചകോടിക്ക് ആ ദിശയിൽ മുന്നോട്ടു പോകാൻ കഴിഞ്ഞേക്കുമെന്ന് പലരും പ്രതീക്ഷിച്ചിരുന്നു. എന്നാൽ, ഉച്ചകോടി സമാപിച്ചത് പ്രത്യേകിച്ച് ദക്ഷിണാർദ്ധ ഗോളത്തിലെ രാജ്യങ്ങൾ നേരിടുന്ന നീറുന്ന പ്രശ്നങ്ങൾക്ക് സമാധാനം കണ്ടെത്തുന്നതുപോലുള്ള അജൻഡയ്ക്ക് ഒരു പ്രാധാന്യവും നൽകാതെയാണ്. വാസ്തവത്തിൽ, ഇന്ത്യയുടെതന്നെ ഏറ്റവും മുഖ്യപ്രശ്നമായ ദാരിദ്ര്യം മറച്ചുവെക്കാൻ പാടുപെടുകയായിരുന്നു മോദി സർക്കാർ . ഡെൽഹിയിലും പ്രാന്തപ്രദേശങ്ങളിലും ദരിദ്രരെ ഒഴിപ്പിക്കുന്ന വ്യാപകമായ പരിപാടിയാണ് ജി 20 ന്റെ പശ്ചാത്തലത്തിൽ സർക്കാർ നടത്തിയത്. ഏതെങ്കിലുമൊരു അന്താരാഷ്ട്ര പരിപാടി നടക്കുമ്പോഴോ , പ്രത്യേകിച്ചും അമേരിക്കയുടെയും പാശ്ചാത്യ സഖ്യത്തിന്റെയും പ്രതിനിധികൾ വിദേശത്തുനിന്ന് എത്തുമ്പോഴോ , നഗരത്തിലെ ദരിദ്രരേയും അദ്ധ്വാനിക്കുന്ന വർഗ്ഗത്തേയും അവരുടെ കണ്ണിൽപ്പെടാതെ മാറ്റിനിർത്തിയാൽ അവർക്ക് ഇന്ത്യയെക്കുറിച്ചുള്ള മതിപ്പ് കൂടുമെന്ന് സർക്കാർ കരുതുന്നുണ്ടാവണം. കോവിഡ് 19 പൊട്ടിപ്പുറപ്പെട്ട പശ്ചാത്തലത്തിൽ ട്രംപിൻറെ ഇന്ത്യാ സന്ദർശനവേളയിൽ അഹമ്മദാബാദിലെ ചേരിപ്രദേശങ്ങൾ ഇടിച്ചുനിരത്തുകയോ മതിൽകെട്ടി മറയ്ക്കുകയോ ചെയ്തതും , തെരുവ് കച്ചവടക്കാരെ ഒഴിപ്പിച്ചതും, തെരുവുകൾ കർട്ടനിട്ട് മറച്ചതും, പൊതുഗതാഗതത്തിന് വിലക്ക് ഏർപ്പെടുത്തിയതും മറ്റും നമുക്ക് ഓർമ്മയുണ്ട്. അതേ മാതൃക പിന്തുടർന്നുകൊണ്ടാണ് ഇപ്പോൾ ജി 20 ഉച്ചകോടി നടന്ന ദിവസങ്ങളിൽ ഡെൽഹി മൊത്തത്തിൽ അടച്ചിട്ടത് .

സാധാരണ പൗരന്മാരെ ബലംപ്രയോഗിച്ച് പുറത്തുനിർത്തൽ സമീപകാലത്ത് വർദ്ധിച്ചതോതിൽ രാജകീയപരിവേഷം വിളംബരപ്പെടുത്തുന്ന ഒരു സർക്കാരിന്റെ നയവുമായി ചേരുന്നതാണ്. ജി 20 യിലെ വിശിഷ്ടാതിഥികൾക്ക് മുന്നിൽ ഇന്ത്യൻ പാരമ്പര്യങ്ങളിലെ രാജകീയ ഭക്ഷണരീതി പ്രദർശിപ്പിക്കാൻവേണ്ടി പ്രത്യേകം ഉണ്ടാക്കിയ വെള്ളിപ്പാത്രങ്ങളും സ്വർണ്ണം പൂശിയ തീന്മേശകളുമായിട്ടാണ് അവർക്ക് വിരുന്നൂട്ടിയത് . എന്നാൽ, സാർവ്വദേശീയ മാധ്യമങ്ങളുടെ പ്രതിനിധികൾക്കുള്ള പ്രവേശനാനുമതി വളരെ പരിമിതപ്പെടുത്തിയ രീതിയായിരുന്നു. മാധ്യമപ്രവർത്തകരുമായുള്ള കൂടിക്കാഴ്ചകൾ ഒഴിവാക്കി 'മൻ കീ ബാത്ത് 'എന്ന ആത്മഭാഷണ പരമ്പരയും മുൻകൂട്ടി സ്ക്രിപ്റ്റ് തയ്യാറാക്കിയ അഭിമുഖങ്ങളും നടത്തുന്നതിൽ കുപ്രസിദ്ധി നേടിയ നരേന്ദ്ര മോദി , ജി 20 ഉച്ചകോടി പോലെയുള്ള ഒരു അന്താരാഷ്ട്ര പരിപാടിയേയും ഒരുവഴിക്ക് മാത്രമുള്ള ആശയവിനിമയത്തിന്റെ വേദിയാക്കി ചുരുക്കുകയായിരുന്നു. ഇന്ത്യ "ജനാധിപത്യത്തിന്റെ മാതാവ്" എന്ന് ലോകത്തിനുമുന്നിൽ പൊങ്ങച്ചം പറയുന്നവരുടെ കഥ ഇത്രേയുള്ളൂ ! വിവിധ രാജ്യങ്ങളിലെ രാഷ്ട്രത്തലവന്മാരുടെ ഓഫീസുകളിൽനിന്ന് ആവർത്തിച്ചുള്ള അഭ്യർത്ഥനകൽ വന്നിട്ടും, വിദേശ മാദ്ധ്യമപ്രവർത്തർക്ക് ലൈവ് ആയി ആശയവിനിമയവും സംവാദങ്ങളും നടത്താൻ അനുമതി ലഭിച്ചില്ല. എന്നാൽ, ജി 20 യ്ക്ക് എത്തിയ വിദേശ പ്രതിനിധികൾക്ക് മുന്നിൽ മോദി ഭരണകൂടത്തിന്റെ ഏറ്റവും പ്രകടമായ സവിശേഷതയായ ആത്മപ്രശംസയുടെ ചെടിപ്പ്‌ വേണ്ടുവോളം അനാവൃതമായി .

ജി 20 നു തൊട്ടുപിന്നാലെ പ്രത്യേക പാർലമെന്റ് സമ്മേളനം നടത്താൻ സർക്കാർ തീരുമാനിച്ചത് ഉച്ചകോടിക്ക് ആതിഥേയത്വം വഹിച്ചത് മഹത്തായ ഒരു നേട്ടമായി അവതരിപ്പിക്കാനും , ഏതാനും സംസ്ഥാന അസംബ്ലികളിലേക്കും പിന്നീട് പാർലമെന്റിലേക്കും നടക്കാനിരിക്കുന്ന പൊതു തെരഞ്ഞെടുപ്പുകളിൽ പ്രചാരണത്തിനുവേണ്ടി അത് ഉപയോഗിക്കാനും ആണ് എന്നു കാണാം. അന്താരാഷ്ട്ര നയതന്ത്രമേഖലയിൽ അടുത്തകാലത്ത് ഇന്ത്യയുടെ ഭാഗത്തുനിന്ന് അർത്ഥവത്തായ ഒരു സംഭാവനയും പറയാനില്ലാത്തപ്പോഴാണ് ഇത് ചെയ്യുന്നത് എന്നുകൂടി ഓർക്കുക. ചൈനയുടേയും റഷ്യയുടേയും രാഷ്ട്രത്തലവന്മാർ നേരിട്ട് എത്താതിരുന്നതും , ഒരു സംയുക്ത പ്രസ്താവനപോലും പുറത്തിറക്കാൻ കഴിയാത്തതും ഉച്ചകോടിയുടെ സാഫല്യത്തെക്കുറിച്ച് ഏറെ സംശയങ്ങൾ ഉണർത്തുന്നുണ്ട്. ഉച്ചകോടി സമാപിച്ചത് ജി 20 രാഷ്ട്രനേതാക്കളുടെ പ്രഖ്യാപനം എന്ന പേരോടെ 83 പോയിന്റുകൾ അടങ്ങിയ ഒരു രേഖ പൊതുസമവായത്തിന്റെ രൂപത്തിൽ പുറത്തിറക്കിയതാണ്. അതാകട്ടെ , ഏറേയും പൊതുവേ സമ്മതമായ കാര്യങ്ങളുടെ പൊള്ളയായ സാമാന്യവൽക്കരണം ആണ്.

പ്രഖ്യാപിതമായ സാമ്പത്തിക ഊന്നലുകളോടെ പ്രവർത്തിക്കുന്ന ഒരു വേദിയാണ് G20 . ദക്ഷിണാർദ്ധഗോള രാജ്യങ്ങളെ അഭിമുഖീകരിക്കുന്ന ഏറ്റവും വലിയ പ്രശ്നങ്ങളിൽ ഒന്ന് ഭീമമായ കടബാധ്യതയാണ്. മഹാമാരിയുടെ പ്രത്യാഘാതം മൂലം അത് വര്ധിച്ചുവരികയുമാണ്. ഇന്ത്യയുടെ തെക്കുള്ള അയൽരാജ്യമായ ശ്രീലങ്കയിൽ കടബാധ്യതമൂലം കടുത്ത പ്രതിസന്ധി ഉണ്ടായതു നമുക്കറിയാം. "കടബാധ്യതയുടെ ആഗോള ആഘാതം കൈകാര്യം ചെയ്യുക"എന്ന ആശയമൊക്കെ പറയുന്നുണ്ടെങ്കിലും ജി 20 പ്രഖ്യാപനത്തിൽ അത് എങ്ങനെ, ഏത് ദിശയിലുള്ള നടപടികളിലൂടെ വേണം എന്ന് പറയുന്നില്ല. അതുപോലെ, കാലാവസ്ഥാ വ്യതിയാനം പൊതുവിൽ ഭൂമിയുടെ അസ്തിത്വത്തെത്തന്നെ പ്രതിസന്ധിയിലാക്കുന്നു എന്ന് അംഗീകരിക്കുമ്പോഴും , ഫോസിൽ ഇന്ധനങ്ങളും കൽക്കരിയും ഉപയോഗിക്കുന്നത് പടിപടിയായി നിർത്തൽ ചെയ്യുക എന്ന വലിയ വെല്ലുവിളി അടിയന്തരമായ നടപടികൾ അർഹിക്കുന്നതാണ് എന്നോ, അത് കാണുന്നില്ല.

യുക്രെയ്‌നിൽ റഷ്യ നടത്തുന്ന യുദ്ധം പതിനെട്ട് മാസമായി തുടരുകയാണ്. എന്നിട്ടും ജി 20 പ്രഖ്യാപനത്തിൽ ഗുരുതരമായ ഈ ഭൗമരാഷ്ട്രീയ സംഘർഷത്തെക്കുറിച്ചോ, അതിന്റെ പരിഹാരത്തെക്കുറിച്ചോ ഒന്നും പറയാൻ ഇല്ല. ബാലിയിൽ കഴിഞ്ഞ പ്രാവശ്യം നടന്ന ജി 20 സമ്മേളനത്തിന് ശേഷം പുറത്തിറക്കിയ പ്രഖ്യാപനത്തിൽ റഷ്യയുടെ യുക്രെയിൻ ആക്രമണത്തെ ശക്തമായ ഭാഷയിൽ അപലപിച്ചിരുന്നു. എന്നാൽ , ഡെൽഹിയിലെ ജി 20 പ്രഖ്യാപനം സമവായം ഉണ്ടാക്കുന്നതിനുവേണ്ടി 'യുക്രെയിനിലെ യുദ്ധം' അവസാനിപ്പിക്കണം എന്നും , ബലപ്രയോഗത്തിലൂടെ ഭൂപ്രദേശങ്ങൾ പിടിച്ചെടുക്കുന്നത് അപലപനീയം എന്നും, പൊതുതത്ത്വം പറയുകയായിരുന്നു. രേഖയിലെ 14-) മത്തെ പോയിന്റ് ഒറ്റവരിയിൽ ഒതുങ്ങുന്ന ഒരു ഖണ്ഡികയാണ് : "ഇന്നത്തെ കാലഘട്ടം യുദ്ധത്തിന്റേത് ആയിക്കൂടാ". അതുപോലെ, മതപരമായ അസഹിഷ്ണുതയ്ക്ക് എതിരേയും , ജനാധിപത്യാവകാശങ്ങളും സിവിലിയൻ സ്വാതന്ത്ര്യങ്ങളും നിഷേധിക്കപ്പെടുന്നതിന് വിരുദ്ധമായും പ്രഖ്യാപനത്തിൽ പറയുന്നുണ്ട് . എന്നാൽ , ആതിഥേയ രാജ്യങ്ങളിൽ അതാത് ഉച്ചകോടികൾ നടക്കുന്ന സമയത്ത്പോലും വ്യാപകമായ തോതിൽ

അവകാശനിഷേധങ്ങൾ ഉണ്ടാകാറുണ്ടെന്ന് അംഗീകരിച്ചിരുന്നെങ്കിൽ ഇത്തരം സാമാന്യമായ പ്രസ്താവങ്ങൾക്കു പകരം ഫലവത്തതായ സവിശേഷ നടപടികൾക്കുള്ള ആവശ്യം ഉയരുമായിരുന്നു. അങ്ങനെ ജനാധിപത്യാവകാശങ്ങൾ അമർച്ചചെയ്യുന്ന സർക്കാരുകളിൽ പ്രമുഖമായ ഒന്നാണ് ജി 20 ന്റെ ഏറ്റവും ഒടുവിലത്തെ ഉച്ചകോടിയുടെ ആതിഥേയത്വം വഹിച്ച രാജ്യത്തെ പ്രതിനിധാനം ചെയ്യുന്നത്

അടുത്ത തവണ നടക്കുന്ന ജി 21 ഉച്ചകോടിയുടെ പ്രസിഡണ്ട് സ്ഥാനം ബ്രസീലിനു ആണ്. ജി 20 ന്റെ പേരിൽ കാട്ടിക്കൂട്ടിയ ധൂർത്തിനും ആഘോഷത്തിനും ശേഷം സംഘ പരിവാർ ശക്തികൾക്ക് തീർച്ചയായും നാട്ടിലെ പരുഷമായ യാഥാർത്ഥ്യങ്ങളെ അഭിമുഖീകരിക്കേണ്ടിവരും. ഭാരത് മണ്ഡപം എന്ന പേരിലുള്ള ജി 20 വേദി ഏതാനും മണിക്കൂർ നീണ്ടുനിന്ന മഴയിൽ വെള്ളം കയറി അലങ്കോലമായത് വികസനത്തെക്കുറിച്ച് മോദി സർക്കാർ തുടർച്ചയായി നടത്തുന്ന അവകാശവാദങ്ങളെക്കുറിച്ച് പ്രതീകാത്മകമായ ഒരു റിയാലിറ്റി ചെക്ക് കൂടിയായി കലാശിച്ചു. സെപ്റ്റംബർ 5 ന്റെ ഉപതെരഞ്ഞെടുപ്പ് ഫലങ്ങൾ പുറത്തുവന്നപ്പോൾ INDIA സഖ്യം NDA യെക്കാൾ മുൻതൂക്കം നേടിയത് മോദി -ഷാ- യോഗി നിയന്ത്രിക്കുന്ന യു പി യിലെ ഡബിൾ എൻജിൻ സർക്കാരിന് അടക്കം ജനങ്ങൾ നൽകുന്ന ശക്തമായ തിരിച്ചടിയുടെ രൂപത്തിൽ ഉള്ള മറ്റൊരു റിയാലിറ്റി ചെക്ക് ആണ്. ഇപ്പോൾ രാജ്യം കാത്തിരിക്കുന്നത് ദുരൂഹമായ ഒരു പ്രത്യേക പാർലമെന്റ് സെഷനേയും , അതിലൂടെ സംഘപരിവാറും ബി ജെ പിയും എന്തൊക്കെ അജണ്ടകൾ ആണ് പുറത്തെടുക്കാൻ പോകുന്നത് എന്നുമാണ്. അധികാരത്തിൽ കടിച്ചുതൂങ്ങാനുള്ള ഏക ലക്ഷ്യത്തോടെ ഏതൊക്കെ നൈരാശ്യം പൂണ്ട നടപടികൾ ഈ സർക്കാർ കൊണ്ടുവന്നാലും ഇന്ത്യയിലെ, അഥവാ ഭാരതത്തിലെ ജനങ്ങൾ അത്തരം ഗൂഢപദ്ധതികളെ പരാജയപ്പെടുത്താനുള്ള സമരം ഏറ്റെടുത്തു കൊണ്ട് മോദി സർക്കാരിന്റെ ദുർഭരണത്തിന് അന്ത്യം കുറിക്കേണ്ടതുണ്ട്.

 


ML Update No.38 Vol.26, 12-18 September 20213

G20 New Delhi Summit: A reality Check and Case of Missing Priorities

(Editorial)

A year-long series of G20 events spread over India's vast and diverse urban landscape concluded with the 18th summit meeting in New Delhi on 8-10 September. Since this was the first such major international event hosted by India after the 1983 Non-Aligned Movement summit and the 2010 Commonwealth Games, it understandably attracted a great deal of public attention not just in India but also internationally.

Unlike G7, G20 is not a cozy club of the world's richest countries, it has several developing countries or emerging economies from the Global South. With the inclusion of the African Union, a continental coalition of 55 African countries, and the consequent expansion of G20 to G21, the Delhi summit has actually widened the representation of the Global South in this intercontinental forum. Since India often positions itself as a leading voice of the Global South, the Delhi summit could well be expected to bring the pressing problems of the Global South to a sharper focus. But the Delhi summit has conspicuously been bereft of any such focus.

In fact, the Modi regime took great pains to conceal India's own poverty. The G20 triggered a massive anti-poor eviction drive in and around Delhi. The government probably believes that the existence of the urban poor and toiling people is an eyesore that has to be rendered invisible during any international event or during the visit of any foreign dignitary, especially from the US or its western allies. Like the walling off of Ahmedabad slums during Trump's visit on the eve of the Covid19 outbreak, Delhi's poor were also pushed out of public sight by demolishing several slums, evicting street vendors and erecting curtain-like walls along streets. Street dogs were cruelly herded off to faraway shelters, public transport was suspended, and eventually the whole of Delhi was shut down for the entire duration of the G20 summit.

The forced exclusion of common citizens was complemented by the display of renewed royal-era ostentation. In the name of luxury dining with Indian traditions, special silver and gold-plated tableware were designed for the occasion for serving food to G20 guests. But representatives of the international media were allowed very restricted access. Keeping up his notoriety for not holding media conferences and delivering only 'Mann ki Baat' monologues and selective scripted interviews, Narendra Modi reduced the international event to one-way communication. So much for presenting India to the world as 'the mother of democracy'! While live media interaction was prohibited despite repeated pleas by offices of several foreign heads of states, the G20 delegates were treated to glimpses of the massive scale of public self-promotion by Narendra Modi that has become one of the most visible hallmarks of the Modi regime.

It was lost on nobody that the G20 summit, to be followed by a suddenly convened special Parliament session, was being showcased more for the domestic audience before the crucial next round of Assembly and Lok Sabha elections than for any meaningful international diplomacy. The absence of the heads of state of China and Russia had already cast a shadow on the event and even the release of a joint statement or declaration had become rather doubtful. Eventually a consensus was arrived at and an 83-point G20 Leaders' Declaration was adopted which is predictably full of empty generalities.

G20 is admittedly a forum with a declared economic focus. One of the most pressing economic issues facing the Global South is the massive debt crisis worsened by the economic disruption caused by the pandemic. India's southern neighbour Sri Lanka has been the most alarming case of this debt crisis. Yet the declaration offers no direction to any kind of solution to what it calls 'managing global debt vulnerabilities'. The climate crisis is today widely acknowledged as posing an existential threat to the planet. The most pressing challenge is to phase out fossil fuels and the reliance on coal as an energy source. The declaration shows little commitment or sense of urgency towards addressing this life-threatening global crisis.

With Russia's war on Ukraine raging for more than eighteen months now, there was no way the declaration could not have any reference to this major geopolitical conflict. The previous G20 declaration adopted at Bali had strongly condemned the Russian invasion of Ukraine. The Delhi declaration has achieved unanimity by diluting this condemnation to an expression of general concern over the 'war in Ukraine', a general disapproval of the use of force for territorial acquisition and a vague call for peace by inserting a one-line paragraph (point 14): "Today's era must not be of war". Likewise, the resolution made general noise against religious intolerance and against denial of democratic rights and civil liberties, all arenas where more specificity would have meant acknowledging the reality of extensive violations in a number of G20 countries, prominent among them of course the host country.

The G21 presidency has now been handed over to Brazil. The Sangh brigade's euphoria over the G20 extravaganza will now have to face the harsh domestic reality. The waterlogging at the Bharat Mandapam venue after a few hours of heavy rain has already provided a symbolic reality check about the Modi government's tall claims of development. The results of the September 5 by-polls where INDIA had an edge over NDA, with the most emphatic rebuff coming from the Modi-Shah-Yogi ‘double-engine’-driven dispensation in UP, provided another powerful reality check on the electoral front. The country now awaits the mysterious special Parliament session and whatever agenda the Sangh-BJP establishment may unveil in this session. Whatever desperate measures the regime may take to hold on to power, we the people of India, that is Bharat, will have to be battle ready to foil that conspiracy and end the calamitous reign of the Modi government.

  ഒരു രാജ്യം, ഒരു തെരഞ്ഞെടുപ്പ് ' എന്ന ലക്ഷ്യത്തിനു പിറകെയുള്ള ഹതാശമായ ഈ ഓട്ടം എന്തിനാണ്?

(എഡിറ്റോറിയൽ, എം എൽ അപ്ഡേറ്റ് വാരിക , സെപ്റ്റംബർ 05-11 ലക്കം, 2023 )

ഇന്ത്യ എന്ന ചുരുക്കപ്പേരിൽ ഇപ്പോൾ അറിയപ്പെടുന്ന സംയുക്ത പ്രതിപക്ഷത്തിന്റെ മൂന്നാമത്തെ യോഗത്തിനായി പ്രതിനിധികൾ മുംബൈയിൽ ഒത്തുകൂടിയപ്പോൾ മോദി സർക്കാർ സെപ്റ്റംബർ 18 മുതൽ 22 വരെ പാർലമെന്റിന്റെ അസാധാരണ സമ്മേളനം പ്രഖ്യാപിച്ചു. അടുത്തിടെ സമാപിച്ച പാർലമെന്റിന്റെ വർഷകാല സമ്മേളനത്തിന് തൊട്ടുപിന്നാലെ സമ്മേളനം പ്രഖ്യാപിച്ച രീതി, അതും പ്രതിപക്ഷവുമായി കൂടിയാലോചിക്കാതെ ഏകപക്ഷീയമായും, വ്യസ്ഥാപിത പാർലമെന്ററി മാനദണ്ഡങ്ങൾ ലംഘിച്ചും നടത്തിയത്, സർക്കാരിന്റെ ഉദ്ദേശ്യത്തെക്കുറിച്ച് സംശയം ജനിപ്പിക്കുന്നതാണ്. അഞ്ച് ദിവസത്തെ സെഷനിൽ ദിവസേനയുള്ള ചോദ്യോത്തര സമയമോ സാധാരണ സീറോ അവറോ ഉണ്ടായിരിക്കില്ല, ഇതുവരെ പരസ്യമാക്കിയിട്ടില്ലാത്ത ഒരു അജണ്ട നടത്താൻ മാത്രമായിട്ടായിരിക്കും സെഷൻ ഉപയോഗിക്കുക. ജനാധിപത്യ റിപ്പബ്ലിക്കിൽ തിരഞ്ഞെടുക്കപ്പെട്ട ഒരു പാർലമെന്റിനെ മോദി സർക്കാർ ഓരോ ദിവസം കഴിയുന്തോറും ചക്രവർത്തിമാരുടെ രാജസദസ്സിന്റെ പദവിയിലേക്ക് താഴ്ത്തുകയാണ്.

പെട്ടെന്നുള്ള മറ്റൊരു നീക്കത്തിൽ, പാർലമെന്റ്, സംസ്ഥാന അസംബ്ലികൾ, ഗ്രാമ-നഗര തദ്ദേശ സ്ഥാപനങ്ങൾ എന്നിവയിലേക്ക് ഒരേസമയം തിരഞ്ഞെടുപ്പ് നടത്തുന്നതിനുള്ള ശുപാർശകൾ നൽകാൻ മുൻ രാഷ്ട്രപതി രാംനാഥ് കോവിന്ദിന്റെ അധ്യക്ഷതയിൽ ഒരു ഉന്നതതല സമിതി രൂപീകരിക്കുമെന്ന് മോദി സർക്കാർ പ്രഖ്യാപിച്ചു. ഭരണഘടനാപരമായ സാധുതയിൽ സംശയിക്കാവുന്നതും, രാഷ്ട്രീയമായി തർക്കമുള്ളതുമായ ഒരു വിഷയത്തിൽ ശുപാർശകൾ നൽകുന്നതിന് മുൻ രാഷ്ട്രപതിയെ ഒരു കമ്മിറ്റിയുടെ അധ്യക്ഷനാക്കുന്നത് ഭരണഘടനയുടെ അടിസ്ഥാനപരമായ മൂല്യങ്ങളേയും ഘടനയെയും പൂർണ്ണമായും ധിക്കരിക്കുന്ന രാഷ്ട്രീയ അജണ്ട അടിച്ചേൽപ്പിക്കാനുള്ള മോദി സർക്കാരിന്റെ വ്യഗ്രതയാണ് വെളിപ്പെടുത്തുന്നത്. കമ്മറ്റിയിൽ പ്രതിപക്ഷത്ത് നിന്ന് ഒരു പ്രതിനിധി മാത്രമേ ഉണ്ടായിരുന്നുള്ളൂ, ലോക്‌സഭയിലെ കോൺഗ്രസ് നേതാവ് അധീർ രഞ്ജൻ ചൗധരി, 'ഒരു രാഷ്ട്രം, ഒരു തിരഞ്ഞെടുപ്പ്' അജണ്ടയെ അംഗീകരിക്കാൻ രൂപകൽപ്പന ചെയ്തിട്ടുള്ള സംശയാസ്പദമായ ഉത്തരവ് കണക്കിലെടുത്ത് കമ്മിറ്റിയിൽ ചേരാൻ വിസമ്മതിച്ചു. സർക്കാരിന്റെ ഇഷ്ടപ്രകാരം തട്ടിക്കൂട്ടിയ പ്രസ്തുത സമിതിയില്നിന്നും രാജ്യസഭയിലെ നിലവിലെ പ്രതിപക്ഷ നേതാവിനെ ഒഴിവാക്കുകയും ഇപ്പോൾ ബി.ജെ.പിയുമായി അടുപ്പമുള്ള മുൻ രാജ്യസഭാ പ്രതിപക്ഷ നേതാവിനെ ഉൾപ്പെടുത്തുകയും ചെയ്തു.

ഒരു രാജ്യം, ഒരു തിരഞ്ഞെടുപ്പ്' എന്നത് മോദി സർക്കാരിന്റെ ഒരു ഇഷ്ട അജണ്ടയാണ്. നിയമ കമ്മീഷൻ മുതൽ നീതി ആയോഗ് വരെയുള്ള നിരവധി സ്ഥാപനങ്ങൾ ഇതിനകം വിഷയം പരിശോധിച്ചു, പ്രതിപക്ഷ പാർട്ടികളും സംസ്ഥാന സർക്കാരുകളും ഉൾപ്പെടുന്ന ഭരണഘടനാ ഭേദഗതികളും വിശാലമായ സമവായവും ആവശ്യമായ തന്ത്രപരവും വിവാദപരവുമായ നിർദ്ദേശമാണിതെന്ന് അവയെല്ലാം കണ്ടെത്തി. ഒരു സമവായം ഉണ്ടാക്കാതെ ആശയം അടിച്ചേൽപ്പിക്കാനുള്ള വഴികൾ കണ്ടെത്തുകയാണ് സർക്കാരിന്റെ ഇപ്പോഴത്തെ വ്യായാമമെന്ന് തോന്നുന്നു. ബിജെപി നേതാക്കളും സർക്കാർ അനുകൂല അംഗങ്ങളും 'ഒരു രാഷ്ട്രം, ഒരു തിരഞ്ഞെടുപ്പ്' ആശയത്തിന്റെ അറിയപ്പെടുന്ന വക്താക്കളും കമ്മറ്റിയിൽ കുത്തിനിറയ്ക്കപ്പെട്ടിരിക്കുന്നു, അതിനാൽ കമ്മിറ്റിയുടെ അഭിപ്രായം എന്നത് ഒരു മുന്നൊരുക്കം മാത്രമാണ്. ഇലക്ടറൽ ബോണ്ടുകൾ അവതരിപ്പിക്കുന്നതിലൂടെ സർക്കാർ ഇതിനകം തന്നെ തിരഞ്ഞെടുപ്പ് ഫണ്ടിംഗ് പൂർണ്ണമായും അതാര്യവും ഉത്തരവാദിത്തമില്ലാത്തതുമാക്കി മാറ്റി. തിരഞ്ഞെടുപ്പ് കമ്മീഷനെ തിരഞ്ഞെടുക്കുന്നതുമായി ബന്ധപ്പെട്ട നിർദിഷ്ട ബിൽ EC യുടെ എല്ലാ സ്വയംഭരണവും നിഷ്പക്ഷതയും കവർന്നെടുക്കുകയും അത് എക്സിക്യൂട്ടീവിന് വിധേയമാക്കുകയും ചെയ്യും. ഇപ്പോൾ ഒരേസമയം തിരഞ്ഞെടുപ്പ് അടിച്ചേൽപ്പിക്കുക വഴി, തിരഞ്ഞെടുപ്പ് പ്രക്രിയയെ കൂടുതൽ പരിഹാസ്യ മാക്കാനാണ് മോദി സർക്കാർ ആഗ്രഹിക്കുന്നത്.

'ഒരു രാജ്യം, ഒരു തിരഞ്ഞെടുപ്പ്' എന്ന ആശയത്തെ പിന്തുണയ്ക്കുന്ന സർക്കാരിന്റെ അടിസ്ഥാന വാദം, തിരഞ്ഞെടുപ്പ് പെരുമാറ്റച്ചട്ടം ഏർപ്പെടുത്തിയ ഇടവേളകൾ ഒഴിവാക്കി ചെലവ് കുറയ്ക്കുകയും 'വികസന'ത്തിന് വേഗത കൂട്ടുകയും ചെയ്യും എന്നതാണ്. ഈ രണ്ട് വാദങ്ങളും തികച്ചും വ്യാജമാണ്. തിരഞ്ഞെടുപ്പ് ചെലവിന്റെ ഭൂരിഭാഗവും വഹിക്കുന്നത് രാഷ്ട്രീയ പാർട്ടികളാണ്, സംശയാസ്പദമായ സ്രോതസ്സുകളിൽ നിന്നുള്ള തെരഞ്ഞെടുപ്പ്ഫണ്ട്കൾ ഉപയോഗിച്ച് പണം ഒഴുക്കുന്ന ബി.ജെ.പിയാണ് തെരഞ്ഞെടുപ്പിൽ പണ-ബലത്തിന്റെ സ്വാധീനം വർദ്ധി ക്കുന്നതിലെ പ്രധാന കുറ്റവാളി. പുതിയ നയങ്ങളുടെയും പദ്ധതികളുടെയും പ്രഖ്യാപനത്തെ നിയന്ത്രിക്കുന്ന തിരഞ്ഞെടുപ്പ് പെരുമാറ്റച്ചട്ടങ്ങൾ തിരഞ്ഞെടുപ്പ് നടക്കുന്ന സംസ്ഥാനങ്ങളെ മാത്രമേ ബാധിക്കുകയുള്ളൂ, വികസനത്തിന് രാജ്യവ്യാപകമായി 'വിരാമം' അതുകൊണ്ട് ഒരിക്കലും വരില്ല . നോട്ട്റദ്ദാക്കലും നീണ്ടുനിൽക്കുന്ന ലോക്ക്ഡൗണും പോലുള്ള തെറ്റായ നടപടികളുടെ ഫലമായുണ്ടായ ദീർഘകാല നാശവുമായി താരതമ്യപ്പെടുത്തുമ്പോൾ എന്തായാലും തിരഞ്ഞെടുപ്പ് മൂലമുണ്ടാകുന്ന താൽക്കാലിക തടസ്സം ഒന്നുമല്ല.

1967 വരെ ഇന്ത്യയിൽ പാർലമെന്റിലേക്കും സംസ്ഥാന അസംബ്ലികളിലേക്കും ഒരേസമയം തിരഞ്ഞെടുപ്പ് നടന്നിരുന്നുവെന്നും നമ്മളോട് പറയപ്പെടുന്നു. അത്തരത്തിലുള്ള ഭരണഘടനാപരമായ ആവശ്യകതകളൊന്നും ഉണ്ടായിരുന്നില്ല എന്നതാണ് കാര്യം, എന്നാൽ തിരഞ്ഞെടുപ്പ് ഒരേസമയം സംഭവിച്ചു. പല കാരണങ്ങളാൽ 1967 ന് ശേഷം ചക്രം മാറി - നിരവധി സർക്കാരുകൾക്ക് അവരുടെ കാലാവധി പൂർത്തിയാകുന്നതിന് മുമ്പ് അധികാരം നഷ്ടപ്പെട്ടതിനാൽ ഇടക്കാല തെരഞ്ഞെടുപ്പുകൾ വേണ്ടിവന്നത്, പുതിയ സംസ്ഥാനങ്ങളുടെ രൂപീകരണം, പ്രാദേശിക പാർട്ടികളുടെ ഉദയം, സഖ്യ കാലഘട്ടത്തിന്റെ വരവ് ഇവയെല്ലാം ആണ് പഴയ ഏകകക്ഷി ആധിപത്യ കാലത്തിന്റെ രീതിയെ മാറ്റിമറിച്ചത്. കൂടാതെ പ്രാതിനിധ്യ ജനാധിപത്യത്തിന്റെ മൂന്നാം നിരയായി ത്രിതല തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് സമ്പ്രദായം നടപ്പിൽ വന്നതും ഒരു മാറ്റം ആയിരുന്നു. ക്ലോക്ക് വീണ്ടും കൃത്രിമമായി പിന്നോട്ട് തിരിച്ചുവെച്ചാലും , തിരഞ്ഞെടുക്കപ്പെട്ട ഗവൺമെന്റുകൾക്കുള്ള അവകാശം ജനങ്ങൾക്ക് നിഷേധിക്കുന്നതിലൂടെയും സംസ്ഥാനങ്ങളെ രാഷ്ട്രപതി ഭരണത്തിനോ ഗവർണർമാരുടെയോ ലഫ്റ്റനന്റ് ഗവർണർമാരുടെയോ ഭരണത്തിനോ വിധേയമാക്കുന്നതിലൂടെയും, ഇടക്കാല തെരഞ്ഞെടുപ്പുകൾ ഒഴിവാക്കിയില്ലെങ്കിൽ പഴയ ചക്രം നിലനിർത്താൻ കഴിയില്ല. 2019 ഓഗസ്റ്റ് 5 മുതൽ ജമ്മു കാശ്മീരിൽ അടിച്ചേൽപ്പിക്കപ്പെട്ടത് ഇതാണ്. 'ഒരു രാജ്യം, ഒരു തിരഞ്ഞെടുപ്പ്' എന്ന സൂത്രവാക്യം അധികാരത്തിന്റെ അമിത കേന്ദ്രീകരണവും ജമ്മു കശ്മീർ മാതൃക ഇന്ത്യയൊട്ടാകെ പ്രയോഗിക്കാനുള്ള ഒരു തന്ത്രം മാത്രമാണോ?

മോദി സർക്കാർ ശാശ്വതമായി തിരഞ്ഞെടുപ്പ് രീതിയിലാണെന്നും തിരഞ്ഞെടുപ്പ് നടക്കുന്ന സംസ്ഥാനങ്ങളിലെ തിരഞ്ഞെടുപ്പ് റാലികളെ അഭിസംബോധന ചെയ്യുന്നതിനാണ് എന്നും നരേന്ദ്ര മോദിയുടെ മുൻഗണന എന്നും എല്ലാവർക്കും അറിയാം. മണിപ്പൂർ സന്ദർശിക്കാൻ മോദി സമയം കണ്ടെത്തിയില്ലെങ്കിലും കർണാടകയിൽ നിന്ന് മധ്യപ്രദേശിലേക്കും മധ്യപ്രദേശിൽ നിന്ന് രാജസ്ഥാനിലേക്കും തിരഞ്ഞെടുപ്പ് റാലികൾ, റോഡ് ഷോകൾ, ബൂത്ത് ലെവൽ കേഡർ സമ്മേളനങ്ങൾ എന്നിവയെ അഭിസംബോധന ചെയ്യാൻ മോദി കുതിച്ചുകൊണ്ടിരുന്നു. പിന്നെ എന്തിനാണ് പെട്ടെന്ന് നിയമസഭാ, ലോക്‌സഭാ തെരഞ്ഞെടുപ്പുകൾ കൂട്ടിമുട്ടിക്കാനുള്ള ഈ ഹതാശമായ ശ്രമം? ഭരണത്തിന്റെ നിയന്ത്രണത്തിൽ നിന്ന് കൂടുതൽ കൂടുതൽ സംസ്ഥാനങ്ങൾ വഴുതി മാറുന്നതോടെ അധികാരം നഷ്‌ടപ്പെടുമെന്ന ഭയവുമായി ഇതിന് വളരെയധികം ബന്ധമുണ്ട്. കേന്ദ്രത്തിൽ ഭരിക്കുന്ന പാർട്ടിക്ക് ലോക്‌സഭാ, നിയമസഭാ തിരഞ്ഞെടുപ്പുകൾ ഒരേസമയം നടക്കുന്ന സാഹചര്യത്തിൽ പ്രത്യേക തിരഞ്ഞെടുപ്പുകളേക്കാൾ മികച്ച സാധ്യതകളുണ്ടെന്നതിന് അനുഭവനിഷ്ഠമായ ചില സൂചനകൾ നിലനിൽക്കുന്നു. നിയമസഭാ തെരഞ്ഞെടുപ്പിനേക്കാൾ ‘മോദി ഘടകം’ ലോക്‌സഭാ തെരഞ്ഞെടുപ്പിൽ നന്നായി പ്രവർത്തിക്കുന്നുവെന്ന ധാരണയും ഉണ്ട്. അതിനാൽ തെരഞ്ഞെടുപ്പ് പ്രക്രിയ മാറ്റുന്നതിലൂടെ നേട്ടം പ്രയോജനപ്പെടുത്താനുള്ള മോഹമാകാം ഈ പദ്ധതിയെ നയിക്കുന്നത്. തീർച്ചയായും അധികാരത്തിന്റെ അമിത കേന്ദ്രീകരണത്തിന്റെയും ഇന്ത്യയുടെ വൈവിധ്യമാർന്ന സംസ്‌കാരത്തെയും ബഹുസ്വര രാഷ്ട്രീയത്തെയും ഫെഡറൽ ചട്ടക്കൂടിനെയും വ്യവസ്ഥാപിതമായി ദുർബലപ്പെടുത്തുന്നതിനുമുള്ള സംഘ്-ബിജെപി പദ്ധതിയാണ് ഇത്. ഓരോ തിരഞ്ഞെടുപ്പിനും അതിന്റേതായ സന്ദർഭമുണ്ട്. പഞ്ചായത്ത്, അസംബ്ലി തെരഞ്ഞെടുപ്പുകൾ പ്രാദേശിക സാഹചര്യങ്ങളെ പ്രതിഫലിപ്പിക്കാൻ ബാധ്യസ്ഥമാണ്, സംഘ് നിർമ്മിതമായ 'ദേശീയ യാഥാർത്ഥ്യം' എന്ന് വിളിക്കപ്പെടുന്നവയിൽ നമ്മൾ വീണുപോകരുത് . എല്ലാ തെരഞ്ഞെടുപ്പുകളെയും ഒരുമിച്ച് കൂട്ടിയിണക്കുന്നതിലൂടെ, തെരഞ്ഞെടുപ്പുകളുടെ വ്യത്യസ്തമായ സന്ദർഭങ്ങൾ തട്ടിയെടുക്കാനും ജനങ്ങളുടെ രാഷ്ട്രീയ തിരഞ്ഞെടുപ്പുകൾ പരിമിതപ്പെടുത്താനും ശ്രമിക്കുകയാണ് മോദി സർക്കാർ ചെയ്യുന്നത്. മോദി സർക്കാരിന്റെ ഹിന്ദി-ഹിന്ദു-ഹിന്ദുസ്ഥാൻ മാതൃകയ്‌ക്കെതിരെ ഫെഡറൽ ഇന്ത്യ ഏറ്റവും ശക്തമായ എതിർപ്പും നിശ്ചയദാർഢ്യമുള്ള ചെറുത്തുനിൽപ്പും വാഗ്ദാനം ചെയ്യുന്നു, ഹിന്ദി ഹൃദയഭൂമിക്കപ്പുറമുള്ള സംസ്ഥാനങ്ങളിൽ (അതിനുള്ളിൽ വർദ്ധിച്ചുവരുന്നതുപോലെ) സാംസ്കാരികവും രാഷ്ട്രീയവുമായ കലഹങ്ങളിൽ നിന്ന് കാണാൻ കഴിയുന്നതും മറ്റൊന്നല്ല. 'ഒരു രാജ്യം, ഒരു തിരഞ്ഞെടുപ്പ്' എന്നത് ആ ചാഞ്ചാട്ടങ്ങളെ തടയുന്നതിനും ജനാധിപത്യ ഇന്ത്യയെ ഫാസിസ്റ്റ് ഭരണകൂടത്തിന്റെ സാമ്രാജ്യത്വ ആസൂത്രണങ്ങൾക്കു വിധേയമാക്കുന്നതിനുമുള്ള ഒരു സൂത്രമാണ്. ഈ രൂപകല്പന നിയമം, ഭരണം, ഭരണഘടനാ സംവിധാനം എന്നീ മേഖലകളിൽ ശാക്തീകരിക്കപ്പെട്ട പൗരത്വത്തെ വിശ്വസ്തമായ വിധേയത്വത്തിലേക്ക് ചുരുക്കാനും, ഇന്ത്യയെ ഫാസിസ്റ്റ് മൂശയ്ക്ക് വിധേയമായി അടിമപ്പെടുത്താനുമുള്ള മുഴുവൻ ശ്രമങ്ങളുടേയും ഭാഗമാണ്. ഇന്ത്യ ഈ പദ്ധതിയെ എല്ലാ വിധത്തിലും പരാജയപ്പെടുത്തണം.