കേന്ദ്ര സർക്കാരിന്റെ കോർപ്പറേറ്റ്-വർഗീയ ഫാസ്സിസ്റ്റ് നയങ്ങളെയും യു ഡി എഫ് സർക്കാരിന്റെ ജനവിരുദ്ധ നയങ്ങളെയും ചെറുക്കുക

  കേന്ദ്ര സർക്കാരിന്റെ കോർപ്പറേറ്റ്-വർഗീയ ഫാസ്സിസ്റ്റ് നയങ്ങളെയും യു ഡി എഫ് സർക്കാരിന്റെ  ജനവിരുദ്ധ നയങ്ങളെയും ചെറുക്കുക - സ: വി ശങ്കർ  

റവല്യൂഷനറി  മോട്ടോർ  തൊഴിലാളി യൂണിയൻ (RMTU )  സെപ്റ്റെംബർ 21 2014 നു ഒർക്കാട്ടേരിയിൽ  ടി പി ചന്ദ്ര ശേഖരൻ രക്തസാക്ഷി നഗറിൽ നടത്തിയ കോഴിക്കോട് ജില്ലാ സമ്മേളനത്തെ  സി പി ഐ (എം എൽ) സെൻട്രൽ കമ്മിറ്റി മെമ്പറും  ലിബറേഷൻ പത്രാധിപ സമിതി അംഗവും ആയ സഖാവ് വി ശങ്കർ അഭിസംബോധന ചെയ്തു .

കേന്ദ്രത്തിൽ അധികാരമേറിയ ബി ജെ പി സർക്കാരിന്റെ കോർപ്പറേറ്റ്-വർഗീയ ഫാസ്സിസ്റ്റ് നയങ്ങളെയും സംസ്ഥാനത്ത് കോണ്‍ഗ്രസ്  നേതൃത്വം  വഹിക്കുന്ന യു ഡി എഫ് സർക്കാർ അനുവർത്തിച്ചു പോരുന്ന  ജനവിരുദ്ധ നയങ്ങളെയും ഒരേ സമയം ചെറുക്കുന്ന സമരോൽസുകമായ ജനകീയ ഐക്യം വളർന്നു വരേണ്ടതിന്റെ ആവശ്യം ശങ്കർ ഊന്നിപ്പറഞ്ഞു .
അതേസമയം ,നിലവിലുള്ള അവസരവാദ  ഇടത് പക്ഷത്തിന്റെ സ്ഥാനത്ത് ഒരു വിപ്ലവ ഇടതു പക്ഷം ഉയർന്നുവരാത്തിടത്തോളം കാലം മേൽപ്പറഞ്ഞ ജനകീയ ചെറുത്തു നിൽപ്പ് ദുഷ്കരം ആയിരിക്കുമെന്ന്  ശങ്കർ ചൂണ്ടിക്കാട്ടി .

ആർ എം പി  സംസ്ഥാന സെക്രെട്ടേരിയറ്റ്  അംഗം സഖാവ് കെ എസ് ഹരിഹരൻ, എം സി പി ഐ  കർഷക സംഘടനയുടെ  അഖിലേന്ത്യാ  നേതാവ് സഖാവ് ഗോവിന്ദൻ എന്നിവർ  അടക്കം ഉള്ള നേതാക്കൾ യോഗത്തെ അഭിസംബോധന ചെയ്തു.

സി പി ഐ (എം എൽ) സംസ്ഥാന ലീഡിംഗ് ടീം അംഗങ്ങളായ സഖാക്കൾ കെ എം വേണുഗോപാലൻ,  ജയറാം  ആരക്കൽ എന്നിവരും പരിപാടിയിൽ പങ്കെടുത്തു.